LECCIÓN 22

Nákaʼ waka ktzalajlo rson chhiaʼ ki Dios

BZENAGA LEN DIDZA

Katiʼ rnezelo talí rseedie Biblia nakalha rhonloʼ kuenda: «¡yogothe beneʼ rhala gombheke taní!». Lhen balhiselho; yogothe beneʼ rhala gombheke lé. Nakalha rdzebiselho lhetidoʼ katiʼ rhonloʼ kuenda ktzalajlo tan zeaj ryedieloʼ lhen ka beneʼ yobla. Ni uyorha nákaʼ waka gonloʼ na be idzebiloʼ lhen sualho yatzayolaj katiʼ ktzalajlo rson chhiaʼ zaa lo Biblia.

1. Nákaʼ waka ktzalajlo lhen ka beneʼ nombhelho tan zeajlho ryedieloʼ

Ka beneʼ glachhilhenke Jesús gnhekeʼ: «Be gaka ksandoʼ tan rtzalandoʼ ki tan chi blendoʼ lhen chi benhendoʼ» (Hechos 4:20). Tan bsákake taxhengolha talí byediekene, goonkene ktzalajke lhen yogothe beneʼ. A rhaka kioʼ kan. Cheʼ kan naka, byo bata wazeke ktzalajlo ki tan zeaj ryedieloʼ lhen ka diadza kioʼ kan lhen beneʼ rhonloʼ tzaxhen (blaba Colosenses 4:6).

Kaʼ waka sololhoʼ

Katiʼ ktzalajlo ki Biblia lhen to diadza kioʼ, waka inhelo kni: «Xhmán ni byedieda to ta yaxhenguesdaʼ».
Katiʼ to amigo kioʼ rhaka xhweʼ o rhebanheneʼ waka gluelhoneʼ to texto yospanlachhiʼ leʼ.
Katiʼ beneʼ rhonlhenkalone chhin inabekene lueʼ nákaʼ chi goka kioʼ udixhajeʼ kieke to ta chi byedieloʼ katiʼ rseediloʼ Biblia o katiʼ rhedobiloʼ lhen nhetoʼ.
Blueʼ ka amigo kioʼ sitio ki internet jw.org.
Waka gledzalo yezikalha beneʼ katiʼ rseediloʼ Biblia o bluekene nákaʼ waka inabake nó kseedie lhekeʼ ta zaa lo Biblia lo sitio jw.org.

2. Bixhkieʼ napa kuenda ktobilachhiloʼ ktzalajlo ki Dios tzaxhen lhen nhetoʼ

Ka beneʼ nookeʼ Jesús ku btzalajkeʼ ki Dios lhen ka beneʼ nombhekazeʼ. Jesús «bseleʼ lhekeʼ chopaweajkeʼ yogothe yechhi» kuenda ktzalajke ki Dios (Lucas 10:1). Kanha kseleʼ lhekeʼ bhen yodarhi na beneʼ zian yenkene rson chhiaʼ ki Dios. Lhezekan beneʼ glachhike lhen Jesús gzuake yatzayolaj tan btzalajke ki Dios tzaxhen (Lucas 10:17). A ku seke ktobilachhiloʼ ktzalajlo ki Dios tzaxhen lhen nhetoʼ.

KSEEDIRHA MÁSRHE KI TANÍ

Ni uyorha bi gon lueʼ yodarhi na be idzebiloʼ lhen sualho yatzayolaj katiʼ ktzalajlo rson chhiaʼ ki Dios.

3. Jeobá wezualhenhe lueʼ

Nikla bala beneʼ rheenkene ktzalajke ki Dios, rhebankeneʼ katiʼ rhonke kuenda nákaʼ yochhiʼ ka beneʼ o bi gonke kuenda kieke.

Katiʼ rhonloʼ kuenda ktzalajlo lhen yezikalha beneʼ tan zeajlho ryedieloʼ, a rdzebiloʼ o cheʼ bidia rhaka kioʼ. Bixhkieʼ.

Le uyo VIDEO na le ktzalaj ki taní:

VIDEO: Gnabatoʼ ki Jeobá gonhe nhetoʼ rhogoláchhiʼ (4:05)

Nákaʼ bhen binnaʼ gdekabi lo videoni na ku idzebikabe ktzalajkabi ki Dios.

Le ulaba Isaías 41:10 na le ktzalaj ki taní:

Bixhkieʼ rhala gledzalo Dios cheʼ rdzebiloʼ ktzalajlo kieʼ.

A nesloʼ.

Neyen testigo ki Jeobá zialha bhenke kuenda bebata sekikene ktzalajke ki Dios, kanho to beneʼ rzilaweʼ Sergey bhenhe kuenda bidia zaakeʼ lhen zeedigaze rhon kieʼ ktzalaje lhen yezikalha beneʼ. Sanlhe to dza gzolaweʼ rseedie Biblia. Leʼ rguixhajeʼ: «Nikla rdzebaʼ, btobilachhia ktzalaja lhen yezikalha beneʼ tan zeaj ryedieda, bebata bhenha kuenda lé yiyón nhedia tzotzo lhen bhen nhedia yodarhi ksákaʼ másrhe talí zeaj ryedieda».

4. Goka beneʼ balaʼn

Katiʼ ziʼ ktzalajlo ki Dios lhen to beneʼ, laga zelhozi gonloʼ kuenda bi yeelhoneʼ lhezekan rhala gonloʼ kuenda nákaʼ yeelhoneʼ. Le ulaba 2 Timoteo 2:24 lhen 1 Pedro 3:15, na le ktzalaj ki taní:

Nákaʼ waka gonloʼ kaʼ rnhe versículoni katiʼ ktzalajlo ki Dios.
Nakalha bala diadza kioʼ o amigo kioʼ ku rhaxhenkeneʼ tan rseediloʼ. Bi waka gonloʼ. Lhen bi be rhalaʼ gonloʼ.
Bixhkieʼ rhala gákalho beneʼ balaʼn katiʼ ktzalajlhenkaloneʼ ki Dios.

5. Rzuarha yatzayolaj katiʼ rtzalajrha rson chhiaʼ ki Dios

Jeobá bkanhe lonaa Jesús ktzalaje rson chhiaʼ kieʼ. Nákaʼ bleʼ Jesús chhin ni. Le ulaba Juan 4:34 na le ktazalaj ki taní:

Gágorha yelawago chhiaʼ rhon rhoʼo yodarhi ibanrha lhen suarha yatzayolaj. Bixhkieʼ Jesús gneʼ tan gonhe ta rheyolachhi Dios, kanho tan ktzalaje rson chhiaʼ kieʼ, naka ka ta gaweʼ.
Kanho bi banheza silhoʼ cheʼ ktzalajlo rson chhiaʼ ki Dios.

Bhen kni

Lo reunión rhoʼorha ladajxhmán, byo kanho nákaʼ waka sololhoʼ ktzalajlo ki Dios.
Gnabe beneʼ rseediene lueʼ bi rhala gonloʼ kuenda seke telhoʼ lo reunión rhoʼorha ladajxhmán. Ka asignación gonake kioʼ gon lueʼ yodarhi na gákalho ktzalajlo lhen yezikalha beneʼ tan zeajlho ryedieloʼ.
Bgonhechhin ga zuá «Balakeʼ rnheke» lhen «Balakeʼ rnabake» ta yoʼo lo libroni na kseediloʼ nákaʼ waka yochhilhoʼ ta inabekene lueʼ.

BALAKEʼ RNABAKE: «Nákaʼ rhaka kioʼ. Bi chi bhenloʼ».