LECCIÓN ZINGO 4
Nákaxha berhoaj tan bzenágake ki Taxhiwe
Adán len Eva gótike tan bi bzenágake ki Dios (Génesis 3:6, 23)
Eva bzenague ki beela naʼ gdawe tan chha lo yaga nozaga Dios. Naʼ bdeteké ki Adán, naʼ lhézekan Adán gdawe.
Ka benkená bi goka chhia: goka to dolaxhguiá. Dios bebeaje Adán len Eva lo jardín.
Goka zedi lo yelanebán kieke len ki bin kieke. Naʼ bchhin bgólhake naʼ gótike. Bi zeyiajke yibá, nika galha zeyiajke; kon zelho benítike.
Ka bene nati rheyákake yo bxhte naʼ birhé gaka bi gonke (Génesis 3:19)
Yógorha zarha ki Adán len Eva. Tanka, rhoo lhézekan rhátirha. Ka bene nati birhé rlékene, bi rhénkene nika rzekieʼkené bi gonke (Eclesiastés 9:5, 10).
Jeobá bi gónene gati bene. Yéstikaga leʼ yodé yelanebán ki bene chi gótike. Naʼ chén gzenágake kie, birhé gátike. Wazuake tzalasa.
