Dios rledze yogoté bene gonke oración na suake gago len Leʼ (Salmo 65:2). Ten bi rhene iné kon rzenague o nazie diarha oración. Chen to bene nakatezi rsake nigolha kíe, lo Biblia rne Dios bi rzenague oración kíe (1 Pedro 3:7). Katí bene israelitas lawenzi bhenke ta malha, Dios bi gónhene gzenague kieke. Leʼ rhee leke: «Zákala gonle ta zian oraciones, bi rzenaga» (Isaías 1:15). Pero rzenague ki bene rhelénkene zákala chi gloʼke dola xhen. Blaba Isaías 55:7.

Byo video ¿Escucha Dios todas las oraciones?

Tan gonrha oración naka toze len yelarheajnelachhi, tanka rhala gonrha oración toze ki Jeobá (Mateo 4:10; 6:9). Tan nákarha bene dolaxhkiá, Jesús gotie nia kierha, tanka katí rhonrha oración rhala gonrha len ló Jesús (Juan 14:6). Jeobá rheʼenene glédzarhane dolaxhdoʼrha na bi inerha toze didza yogoniate. Blaba Mateo 6:7 len Filipenses 4:6, 7.

Jeobá rzenague oración zákala rhonrha balanze (1 Samuel 1:12, 13). Len rledze rhoʼ ktzalajlénrhane batatezi, nan rzoló len rheyochhi dza, nan zi gágorha yeta len katí rderha lo tazedi. Lo Biblia rne: «Bsala yuaʼ kio ki Jeobá, na leʼ gákalenhe lí na bi yálalo» (Salmo 55:22). Blaba Mateo 15:36.

Dzarha lo Lichhileyó ga dzaka bene birhe rxhenláchhike Dios len rtítajkene ta rné yiyonhe chhiatzawe lo Lichhileyoni. Ten wegón na gatiláchhirha tzeajrha gago len Jeobá (2 Timoteo 3:1, 4; 2 Pedro 3:3, 13). Tanka nakínerha yedóbirha len testigos ki Jeobá na yibanláchhirha. Lhézekan bene  rheajke naʼ rkínkenhe rhoʼ yospanláchhikarhane. Lo Biblia rne: «Dogon kuenda to yitorha na xhche rhoʼ ksluerha yelarheke len gonrha chhin chhiʼa, [...] yospanláchhirha toyitorha» (Hebreos 10:24, 25).

Nan rhedóbirha len bene rhékiekene Dios rzuarha masrhe gago len Leʼ. Ga rhedóbika testigos ki Jeobá rhona látaj sirha banheza yelarheajleʼ ki yebálake. Blaba Romanos 1:11, 12.

Wazékielo chen yeyonlo kuenda ka chi byédielo kíe lo Xhtidze. Lo Biblia rne: «Dza yelha rhala glábalo len gonlo kuenda, [...] naʼrhe gákalo to bene rheajníe» (Josué 1:8). Beyón kuenda diarha tan chi benhe, ka rsédiene len yelarbezalachhi noone kierha ta zi zaalha. Tan yeyonlo kuenda len gonlo oración wegón lí yodarhi tzeajnielho yelarheke len yelarheajníe napa Dios. Blaba Salmo 1:1-3.

Wezékie sualho gago len Dios zéloze chen rheajloʼ zué len rxhenláchhilone doneyaʼ. Yelarheajleʼ naka ka to yaga rkin nó gonchiʼ le, kánteka rhala gonrha rhoʼ, nakin ksédirha na gaka tzotzo yelarheajleʼ kierha. Jesucristo gné: «Klega ta gágoze bene ibanhe, sino len didza ruaj rhua Jeobá» (Mateo 4:4). Blaba Hebreos 11:1, 6.

Jeobá rzuene guiʼa bene rhékiekene Leʼ. Wazekiene gonchiʼe bititeze ta rzua banachhi yelarheajleʼ len yelarbezalachhi nápake tan suake tzalasa (Salmo 91:1, 2, 7-10). Rguixhajeʼ bita kebi rhala gonke na bi dzajtake yelaweʼ, naʼka suake chhiaʼterhe len yatzajyolaj. Blaba Salmo 73:27, 28 len Santiago 4:4, 8.