Gini gamahe duho ngba kisusi rengbe oni ka fuhe fu awironi? Dungu ahe duho i aidaha, nga gu nakoda gaoni nyemuse, arugute, na bandahe. Ono wa vura duhe wo, gu gamahe ngba gbe rengbe oni ka fuhe fuyo nga, gu inohe nga ga Yekova nga gu du rogo Ziazia Kekeapai. (Yoane 17:3) Gu ngbatunga inohe re rengbe ka undo awironi i sono ni agu aboro nakpinyemu Yekova na kini irisiko na ngbaduyo yo dũ, zavura mbuyo kindi rukutu.​—Matayo 21:16.

Badungu avunguagude ima bi gupai nga wirikapai na mangapai na rukutu agude guruguru nasayo i inipai wenengai. Ani na ngbarago ka kusa gi waraga nga Agu Apai Mi Awirikaha Rogo Ziazia Kekeapai re. I akehe tipa yugopai fu agude ngba taata gene. I akeke asura na gu kekeapai du pati ni tipa agu agude tona garãra ti biata ka ye kusende. Asunge kinaho rogo gi waraga re fu avunguagude na awiriyo. Anga gi waraga re nga ũmbaro fu agude te. Ono i kusihe furoni tipa oni naagedaha na awironi tipa kaa fura naayo wenengai.

Ani na gu kido nga gi waraga re nika undo roni aundo oni yugu gu rengo nga ga Ziazia Kekeapai fu awironi mbuyo kindi nirukutu agude.​—2 Timoteo 3:14, 15.

Ani nga awirinaroni,

Riigbu Bipasunge Nga ga ADezire Yekova