Bakere vura Mbori nga Satana Bakitingbanga. Ko nga gu maraika nasamungu kuti Yekova. Satana nasovura kindi kuti Mbori, na ko naye na badungu fudifudiapai fu aboro. Satana ni gbigbita ko. Ko nga iraziree na baimi aboro.​—Yoane 8:44.

Gu kura amaraika akodi tiyo na Satana rogo gako samungu kuti Mbori. Baibiri nayamba yo nga adaimona, watadu gbigbita atoro. Wa kina Satana, adaimona nga avura aboro. I naida kaa imisa aboro. (Matayo 9:32, 33; 12:22) Yekova nika gbarasa Satana na gako adaimona nyeanye kindi. Kina guru regbo nye koyo fuyo tipa i nifudi aboro.​—Yugoti 12:12.

Kangia mo naida ka duni bakurea Mbori, ka mo ya manginga gupai Satana aida mo mangihe ya. Satana na gako adaimona nasoga Yekova. I nga avura Mbori, na i naida ka sa ro ni vura Mbori. Mo du wa ka mo sia gu boro mo aida ka sa ngbarago tini​—singia Satana watadu Yekova. Ka mo aida nyenye unga, mo du wa ka mo sia gupai nga ka manga gupai Mbori akpinyemuhe. Satana na dungu abirĩ beko gbiati agene tipa ka nanga aboro. Dungu aboro ko ananga yo.​—Yugoti 12:9.