Ho du mo ni na gu bakureamo ngba tiro gbe na mo afu iriso funi, mo naˈasada ka du wa kina ni. “Yekova du ni wene ko ni ruru ko,” wogu Baibiri apehe. (Atambuahe 25:8) Tipa ka duni bakurea Mbori, ani du wa ka ani du ni wene rani na niruru rani. Baibiri naya: “Oni wíriki Mbori . . . wa du oni ni awiri manguse. Oni ki nita rogo nyemuse yo.” (AEfeso 5:​1, 2) Bete agene gere tipa ka manga gure:

Mo niundo kura aboro. ‘Ani mangi gupai ngba angba fu aboro dunduko.’​—AGaratio 6:10.

Mo nimangisunge nyanyakii. “Gu ni nanidĩ he ka ni dĩ nga he berewe ya. Ni nimángi sunge amanga, ni mángi sunge gu he ni beni ngba angba.”​—AEfeso 4:28.

Bandatise gigirii ti kpotose na rogo mangapai yo. “Ani gírisi tirani be gu meteka dunduko nga ga borose na toro, nimbakadi ziaziapai nzunzu rogo gunde ti Mbori.”​—2 AKorindo 7:1.

 Mo nimangi gamo aborokporo na nyemuse gbiati iriso. “Gu ni nikpí nyemu diani wa du oni ni ba sa sa, wa kina tini; dia boro nigunde agunde ti kumbani. Agude, oni gí sangba avunguroni agia.”​—AEfeso 5:33–6:1.

Mo niyugu nyemuse fu kura aboro. “Nyemu akuarani du adu ti rani, bambiko nyemuse nga ga Mbori he.”​—1 Yoane 4:7.

Mo niirisi agu andiko nga ga ringara. “Aboro rá ara dũ fu [irangbii] . . . Oni fú kina gu he fu yo dunduko du fu yo; rũhe [kufuta] fu gu ni du rũhe [kufuta] fu ni.”​—ARomo 13:1, 7.