Duni bakurea Mbori nga gu bawenepai kisusi rengbe ka manga foro. Mbori ayugo wai foro rengbe mo ka du na ngbarago gbiati ngbabase; ko akusa goro be dungu iraira aida na gu mangaapai rengbe ka imisa ro. Ko adega tuko sa gamo akparakpee. Ko aundo ro mo gbia ngbarago be gu zereda nga ga ngbaduseyo na be kido kuti ko. (Atambuahe 71:5; 73:28) Mbori asongoda ro ti regbo fudifudiapai. (Atambuahe 18:18) Mbori afu gu gako gamahe foro a nga nyenye unga.​—ARomo 6:23.

Wa mo ka mbeda na Mbori, mo ambeda na abakurea Mbori a. I adu a ni abakureamo. Nirengo, i adu foro wa awirinamo. I adu na ngbarago ka yugopai foro tipa Mbori na i aundo ro na kini ngarasi ro.

Ani arengbanga na Mbori te. Wa mo kaa gbata pa manga bakure na Mbori, mo du wa ka mo rugutiro na nyanyakipa pai sa. Pabakure na Mbori wa pabakure dagba agu aboro rengbe arengba te. Ko ni gu boro tonatona ní aadunga ti ni ya, ko na tatamana kisusi, na ki du na ome kisusi rani. Ko nga gaani ruru Bazogo. Sidu, ka ani aida ka duni abakureako, ani du wa ka ani degeturani sa gupai ko agumbaha fu rani ya ani mangihe. Gere adu tipa gaani undo.​—Yesaya 48:18.