Satana naida mo mangisunge na ngua. Dungu aboro namanga avugahe fu atita yo watadu atoro tipa ka banda tiyo be ima. I namanga gere mbiko i nagunde be atoro. I navoda agu atongo watadu abenge nga ga ngua. I nambira agu “aziga” nga gu i aberã gupai tipaha nga si na ome tini nga ga ngua, watadu i nambeda kpotoyo na ni. Kura aboro naigo gu kura ahe kpuyo yo watadu ku tii sende yo, nga gu idi yo kuti ni ya si na ome tini ka banda yo. Aguyo namangasunge na ngua mbiko i idi kuti gupai nga si asa yo i du na diabese rogo gayo sunge bagaahe, ti regbo gayo asada sukuru yo, watadu rogo gu pabakure du dagba kumba na dee.

Gamo pabakure na Yekova rengbe ka banda ro gbe be Satana. Yekova Mbori na gako amaraika kii ome yo susi ga Satana na gako gbigbita atoro. (Yakoba 2:19; Yugoti 12:9) Yekova na nyemu gupai nga ka yugo gako ome tipa abakureako​—nga aguyo duni ruruyo fuko nirengo.​—2 Pekapai 16:9.

Fugo Mbori naya: ‘Ka oni ginga sangba abinza ya.’ Yekova nasoga ngua na sunge abinza mbiko gu mangaapai re rengbe ka maa boro nibasa tii gu ome nga ga Satana Bakitingbanga.​—Pa Amotumo 19:26.