Paradizo adunga wa gu zegino ani araka rogoho awere te. Mbori aidanga kpotosende hi be fudifudiapai, gberãrago, ima, na rungo te. Kumbatayo, Mbori asa kpotosende ni paradizo. Paradizo adu wa gine? Ani bingo gupai Baibiri agumbaha:

Wene sino aboro. Paradizo angia ga abakurea Mbori kporo. I amanga wene apai dagba tiyo. I araka ringbisihe kuti gu ruru agene nga ga Mbori.​—Asanza 2:21.

Riahe kpaima. Gomoro adunga Paradizo yo te. Baibiri naya: ‘Zende ahe azúka [watadu, riahe adu] rogo kpotosende kpaima.’​—Atambuahe 72:16.

Wene abambu gbiati sunge ngbarago. Rogo gu Paradizo nga ga kpotosende, aboro dunduko nika du na gayo akporo ti ni. Aboro dunduko nika manga gu sunge nga gu naye na ndikidi ngbarago.​—Yesaya 65:​21-23.

 Zereda rogo zegino dunduko. Aboro asonga vura berewe kini kpiki be vura te. Fugo Mbori naya: “[Mbori] namanga pai, vura nyasi.”​—Atambuahe 46:​8, 9.

Wene kpotose. Baibiri nakidohe ya: “A nga boro kporo sa [rogo Paradizo] ayá, ‘Mi nawoka’ te.” (Yesaya 33:24) Berewe a, boro adunga ho ni gbarĩgbarĩ ni watadu ni iravurari watadu gu boro tuni agianga pai ya watadu guni arengbanga ka fura ya te.​—Yesaya 35:​5, 6.

Digido ima, gberãrago, na kpio. Fugo Mbori naya: “Kpio adú nga berewe te, rungo adú nga yo na akpe na ima a te, bambiko bambata apai aima nyasa.”​—Yugoti 21:4.

I adia gbegberẽ aboro kusayo. Yekova nakidohe ya: “I aróga gbegberẽ aboro kusayo zegino, agu yo namanga pai ni biriki i amófa yo amofa zegino.”​—Asanza 2:22.

Aboro akpinyemu akurayo na ki du na irisa dagbatiyo. Irairapai, rungosi aboro, ngbaduse, na sogote adunga berewe te. Aboro adu ni kpamiakpamiayo na kini raki ringbisihe kuti ga Mbori ruru agene.​—Yesaya 26:9.