Tipa ka duni bakurea Mbori, si naida mo wirikipai tipa ko. Abakureamo ini rimoro na kini yambu ro ti ni? I ima inoho nirengo na kini yambu ro ti ni. Mbori naida mo ini rimoko na kini yambu ko ti ni a. Rimo Mbori nga Yekova. (Atambuahe 83:18; Matayo 6:9) Mo du wa ka mo wirikipai a tipa gupai ko aidaha na gupai ko aidanga ha ya. Si naida mo ini ada nga abakureako na ada nga avurako. Si nadia regbo adia tipa ka ino boro. Baibiri naya wẽ si ni pa tatamana ka kpara regbo ka wirikapai tipa Yekova.​—AEfeso 5:​15, 16.

Abakurea Mbori namanga gupai ngba tiko. Mo berẽnga pa abakureamo. Ka mo amanga yo gbegberẽ na kini mangi agu apai i asogaha, i adu kindi ni abakureamo? Wagusa te! Teketeke a, ka mo aida ka duni bakurea Mbori, si naida mo nimangi gupai nasa ngbarago tiko.​—Yoane 4:24.

Anga apambori dunduko nandu sa pabakure na Mbori te. Yesu, nga bambembedi bakurea Mbori, afura tipa agene ue. Gu kura gene sa ni bakerehe na si hi be aboro. Gu gene re nandu sa gbarasahe. Gu kura gene ni fitikirihe na aboro nandu ngbaha ni kina umba yo. Gu gene re nandu sa nyenye unga. Gere nayugo gupai nga ka mo aaida ka duni bakurea Mbori, mo du wa ka mo ini ruru gene ka iriso ko ngbaha.​—Matayo 7:​13, 14.