Dungu Amirioni Atoro
Baibiri nape gupai furani nga badungu amirioni aboro duho nga atoro. Yekova nitiko nga kina toro.—Yoane 4:24; 2 AKorindo 3:17, 18.
Bakuru kusayo, Yekova adu nisako ngiringiri. Fuoho, ko kini tona ka kusa agu aboro nga atoro i ayambayo nga amaraika. I ima ngarã na kidu na ome susi aboro. Yekova akusi badungu amaraika; ga Mbori moyambu nangia Daniere abi amaraika rogo yuguyugupai yo bangeyo adu nga amirioni kama sa.—Daniere 7:10; AEbere 1:7.
Mbori akusi agi amaraika re bakuru kusayo mbata fu ko mangi kpotosende. (Eyobo 38:4-7) Anga agu amaraika re araki araka mbata auru kpotosende ni aboro i kini kpiki kini sa tiyo ni atoro te.