Bangiriba Rogo Dagbarago
Ya mo Mbori nabi kura aboro nga i kiipa yo ti kura aboro mbiko pa ngbatunga yo, pa gayo riikporo, watadu gu bakio marã du be yo?
Amo 17:26, 27; Rom 3:23-27; Gara 2:6; 3:28
-
Agu apangbanga du rogo Baibiri yo nga gu rengbe ka undo ro(rani):
-
Yo 8:31-40—Kura aYudo adu na rukö mbiko gupai nga Abarayama angia titayo; ono tie, Yesu afu zahe fuyo na ki pe gupai nga i aamanganga pai wa Abarayama te
-
Ya mo ndupai ho ani berẽ gupai nga ani ngba ki susi kura aboro mbiko pa ngbatunga yo watadu pa gu ringara i aye rogoho?
Yo 3:16; Rom 2:11
-
Agu apangbanga du rogo Baibiri yo nga gu rengbe ka undo ro(rani):
-
Yona 4:1-11—Yekova ayugupai ni zerangbaduse fu gu nebi nangia Yona tipa ko yugu inapai fu aboro Nineve, nga agu aboro nadu rogo gu kura ringara kia
-
Amo 10:1-8, 24-29, 34, 35—Gu mokedi nangia Petero awiriki gupai nga si aidanga ko naabi aGendiria nga i nga bibiriko aboro te, sidu, ko aundo Korunerio na gako aborokporo i da ni gu bambata aGendiria ni aKristano i ayeranga yo ya
-
Ya mo si naida gupai nga agu aKristano nga airakumuko naabihe nga i kiipa yo ti kura aboro watadu kaa ida gupai nga i naamangapai na yo ngba kparakpara gene?
1Tim 6:17, 18; Yak 2:2-4
Mo bi agi averesi re a Pa Rug 8:12-14; Yere 9:23, 24
Ka boro du ni babiapai, ya mo gure nayugo gupai nga ni nyakipa ni kisusi kura aboro na ni ima rengba kaa mangapai na yo ngba gbegberẽ gene?
2Kor 1:24; 1Pet 5:2, 3
-
Agu apangbanga du rogo Baibiri yo nga gu rengbe ka undo ro(rani):
-
Pa Rug 17:18-20—Yekova afu zahe nga bakindo ho Yisaraere yo si aaida ni kiisipa tini kurii Gako aboro te, nga agu aboro nadu bangiri Mbori wakina awirina bakindo
-
Mk 10:35-45—Yesu afu rugute fu gako abawiriki tipa gayo bakere nyemu du na pagbia
-
Ginipai nayugoho nga Mbori ima ida na boro?
Gate 19:5; Rom 10:12; 1Yo 2:17
Ya mo si naida aKristano asadi ka aria ga airangbii andiko nga gu i abihe nga si arunga te?
Ef 6:5-9; 1Tim 6:1, 2
-
Agu apangbanga du rogo Baibiri yo nga gu rengbe ka undo ro(rani):
-
Yo 6:14, 15—Wa si avura du nga badungu aboro naaida Yesu mangipai tipa ka dia gayo akpakarapai nga ga ringara kusayo, ko aima ká gupai nga i moi ko ni bakindo auru kpotosende
-
Gere Ima Rengba a ka Ngba Tiro
AGU APAI RENGBE MO KA WIRIKAHA ROGO BAIBIRI
Yekova Amangipai na Yona ni Zerangbaduse
Wai gu batĩo ambiri ga Mbori nebi? Wai gu ko akuru vuru gu batĩo yo re? Ginipai Yekova ayuguhe fu Yona?
AGU APAI RENGBE MO KA WIRIKAHA ROGO BAIBIRI
Korunerio Agbia Ziazia Toro
Tipagine du Mbori akedi Petero ti ni kua gi kumba re yo, wa ko aangianga Yudo ya?
AGU APAI DU TIPA RANI
Mo Sanahe Tipa Wirika Baibiri
Mo gbia gu wirikapai nga ga Baibiri ti gu regbo na rogo gu ba ngba tiro.
