Kusa, aboro ange auru kpotosende ane. Badunguyo angia gbegberẽ aboro. Bete amaraika ngbangbaturũ yo ada ni gbegberẽyo a. I ambu kpuyo ngbangbaturũ yo ki ye ku auru kpotosende no. Mo ini tipagine i amangi gupai re ti ni? Tipa ka dia kpoto aboro kutiyo ka ruho ka roga adee ni adiayo.

Agu amaraika re abatika ti agu adee re. Agu awiriyo re asono na ki da ni kere nyanyaki aboro na ni aboro wingba. I anaaimisa aboro. Yekova aarengbanga ka mbu agu apai re si nimangi amanga kindi te. Sidu, ko adiberã ka gbarasa gbegberẽ aboro na ime akangbii.

Ono kumba adu ho naadu kia. Ko aima kpinyemu Yekova. Rimoko angia Noa. Ko adu na diako ti ni na awiriko nga akumba biata, Seme, Ama, na Yepete, na agu awiriko re ni basasa adu na adiayo ti ni. Yekova aya fu Noa ko mbakadi bakere kurungba tipa ka bata na gako aborokporo ti regbo Ime Akangbii. Kurungba nga gu he naya aya rii ime. Yekova aya fu Noa a ko ye na dungu anya ku kurungba yo tipa ami bati a tigaami.

Noa atona ka mbakada kurungba nibasa. Si adi Noa na gako aborokporo na agarã 50 tipa i mbakadi gi kurungba re. I ambakadi kurungba kina wai nzunzu Yekova apehe fuyo. Ti gu regbo re, Noa aza aboro tipa Ime Akangbii. Ono boro ho nagihe ku ngbako te.

Niyangaraha, regbo ada tipa i rimi ku kurungba yo. Ani bingo gupai namangi fuo gure.