WISIGOPAI 2
Mo Fura Wai Boro Naafura
2 AKorindo 2:17
MEMEPAI: Mo fura kina wai mo naafura na ngba wene gene, tipa ka yugo gu bipai du mo na ni tipa gamo riipai na agu aboro mo afura fuyo.
WAI KA MANGAHA:
-
Mo kparikpee na ki mbakadihe wenengai. Mo kparikpee tipa ka maaberãro sani wenengai, angianga kuti tiro ya, ono kuti gamo pangbanga. Gupai mo aida ka fura tipaha ima du riroyo. Mo gumba gamo aberãpai kina wai mo naafura; ka mo furanga kaa yamba afugo ni basasa wai du he ni kekehe ya.
-
Mo fura kina boro kpotoroyo. Mo berẽkurii ndu gupai si aida aboro degetuyo ti ni kuti gu pangbanga re. Mo gbeberã ro kutiyo. Fuani, gu gene ru mo ngbaha, mo ayaka abero, na wai du kpakpuro yo nika yugopa gu ngbarago du mo na ni na pa gamo nyemuse koyo du yo ni.
-
Mo ngana agu aboro mo afura fuyo. Ngbaha angba ka ngera ku bangiri boro yo ho adungaha ni ni gbegberẽpai ka mangaha wo ya. Ho mo amanga gumbapai ni, mo ngana agu aboro du ho ni basasa, angianga kaa ngera gbua riyo ya.
