Mo kusi memeapai. Fuo geda mo veresi, mo fura tipa agu apai nandu sa na memepai. Mo rengbe ka mangaha ni dogoda mo fura tipaha watadu ka sana gu sanahe nika sa aboro i asadi ka ngera tipa gu memeapai du rogoho.

Mo nyakasi gupai mo aida i tingidihe. Ka singia mo tona afugo tipa veresi mbiko mo naida aboro gedihe, mo sakipai fuyo tipa wai gu bangua afugo du rogo gu veresi re asongoda gupai re.

Mo yugu gu taata gene rengbe yo ka mangapai kuti veresi ngbaha. Ka mo furanga tipa futufutuapai dunduko nga gu asongodanga memepai ya. Nibi gupai agu aboro nadegatuyo foro nainihe tipa gupai re, mo asadi ka ino gini apai nzunzu si aidaha tipa aboro rugutiyo na gu memepai re wenengai.