Oni du “ni abayugupai.” (Eb. 5:12) Mo berẽnga kurii gipai re! Yekova​—nga bawene Bayugupai rogo zegino​—nayamba rani ani yugupai fu kura aboro tipa ko! Agu asunge naabaha du tipa yugopai tipa Yekova​—rogo ngbadimokporo, rogo dungurati watadu gene tungusapai yo​—nga bawene momu kingia nyanyakipa tindiro a. Wai du rengbe ani kadu na diabese?

Karagapai gu du rogo agu afugo gu mokedi nangia Pauro akehe fu Timoteo: “Mo fu tiro fu gedapai, . . . na tungusapai.” Pauro agbia kurapai kutini nga: “Bambiko manga mo wa gere mo abátasa tiro na agu yo nagia paha ngba ro.” (1 Tim. 4:13, 16) Mo na gu pangbanga ngbaro nabatasa unga si aida mo pehe fu aboro. Sidu, ngbaha angba nga mo sono rogo gedapai na yugopai. I mbakadi gi burosua re tipa si undo ro mo mangi gipai re. Mo kparianga gu bete apai du rogoho.

Yekova nga Bakere “Bayugupai.” (Yes. 30:20) Wa duhe nga gi burosua re nika sonosa gamo birĩ wangia mo bagedipai na bayugupai, ka bangiro gonga ti gupai nga Yekova du nga Mburu gamo pangbanga na ko du nagbe aboro koyo du ko ni ya. (Yoane 6:44) Sidu tie, mo kpari dedede tipa ziazia toro. Mo mangisunge na Fugo Mbori dedede. Mo gbeberã aboro fuo Yekova, angianga kuti tiro ya. Mo asadi ka sonosa bakere nyemu Yekova ku kpoto agu aboro yo nadegatuyo foro.

Yekova yambu ro mo yugu gu nyanyakipa pangbanga ko aafunga ha mbata fu aboro ya. Ani nakido nga, ka mo kido kuti ‘gu ome Mbori afuhe,’ mo nika duadu na diabese.​—1 Pet. 4:11.

Ani du nga abayugupai wa sa na mo a,

Riigbu Bipasunge Nga ga aDezire Yekova