Tambuahe foro tipa dia mo regbo ka wisigo agu apai du rogo gi burosua re na ka rugatiro wenengai naapa aDezire Yekova, ka inopa gaani asunge, na ka bi wai gaani riigbu amangaapai. Ani nabihe nga si ima undoro mo ini gupai nga ani du nga agu aboro namanga gupai Yekova akpinyemuhe areme. Ani nazungodi ro mo niwirikipai kindi tipa Mbori, kini gumba agu apai mo awirikaha fu gamo aborokporo na abakureamo, na kini kodi tiro na ani ba gaani adunguratise yo nga ga aKristano.​—AEbere 10:​23-25.

Mo nika bi gupai nga, wa mo nikaa wirikapai tipa Yekova gbe, kinawo a gbe mo nikaa bi gupai nga ko nakpinyemuro akpi nzunzu. Fuoho, ngbaduroyo nika fõro afõ mo mangi gupai si aida mo mangihe ka yugo gamo nyemuse fuko a. (1 Yoane 4:8-10, 19) Ono wai rengbe mo ka yugo gamo nyemuse tipa Mbori rogo gu gene mo araka ngbaha? Tipagine duhe ti ni ninyanyakipa pai mo niraki ringbisihe kuti gako arugute? Na gine nika undoro mo idi ka manga gupai Mbori akpinyemuhe na ani? Gamo bayugu Ziazia Kekeapai nika duadu na ngbarago ka undoro mo gbia agu akaragapai du kuti agi asanahe re, tipa wa ka mo na gamo aborokporo “bánda tironi rogo ga Mbori nyemuse yo, ki ningere . . . sa nyenye unga.”​—Yuda 21.

Ani nahopai bero nga mo naasona kina kumbatayo rogo rengo yo ni wisigo mo gi waraga du re . . . “Oni Bánda Tironi Rogo Ga Mbori Nyemuse Yo”.