Fu agu aboro nakpinyemu Yekova Mbori na Fugoko nga, Ziazia Kekeapai:

Yesu aya: “Oni aína rengo aina, ki ra ni rironi be rengo.” (Yoane 8:32) Mo berẽnga pa wai mo adu ti gu bambata regbo mo agbia gu rengo du rogo Baibiri! Si aima ngba tiro ka ino gupai nga rogo gu zegino hi be ziree re, ani rengbe arengba ka wirika rengo.​—2 Timoteo 3:1.

Yekova Mbori naida ani ini rengo. Na wa duhe nga nyemu aboro tirani, ani naida ka pe gipai re fuyo a. Ono mangasunge fu Mbori nakoda dungu apai. Si naida ani mangi ome ka raka wa aKristano mbiko ani na bakere irisa kuti ga Yekova arugute. Yesu asakipai tipa gu nyanyakipa gene rengbe ani ngbaha ka yugoho nga ani nakpinyemu Yekova. Ko aya: “Ka oni ka kuti gi rugute, oni nye anye rogo gi nyemuse; wa ka mi kuti ga Buba rugute, ki nye rogo gako nyemuse.”​—Yoane 15:10.

Nirengo, Yesu aima kpinyemu Bako, na ko anaamanga agu apai dũ Bako aida ko mangihe. Ka ani wiriki Yesu rogo gaani raka yo, Yekova nika kpinyemu rani na ani nika gbia ndikidi ngbarago. A wa Yesu apehe, “ka oni ini agi apai re, rago ngba angba ti roni ka oni amanga ha.”​—Yoane 13:17.

Ani namaabangirani nga gi buku re nika undo ro mo wiriki ka raka ringbisihe kuti gu rengo du rogo Baibiri yo na ki da ni bakurea Mbori. Ani na kpara nga gamo nyemuse sono na mo ki nye “rogo ga Mbori nyemuse yo, ki ningere . . . sa nyenye unga.”​—Yuda 21.