FU AROGOTISE
2: Mangasunge Kina Sa
GUPAI SI AYUGOHO
Ho arogotise akodatiyo ni kaa mangasunge kina sa, kumbakudee gbiati diakumba i wa kina bakama tiara gbiati moundo bakama tiara nga aguyo du na bangisa berãpai sa tipa kama tiara. Zavura ho akpakarapai akura ni, i nibasasa naberã gupai nga “ani” kuba gupai nga kaa berã nga “mi.”
BANGUA RENGO NGA GA BAIBIRI: Sidu “I nadu nga ti ni ue berewe ya, i ki du adu sa.”—Matayo 19:6.
“Kumbakudee gbiati diakumba i du wa ka i amangasunge kina sa tipa ka du na diabese.”—Christopher.
NDU GUPAI DUHE TINI NA NYANYAKIPAHA
Ho akpakarapai akura ni, gu kumbakudee gbiati diakumba amanganga pai kina sa ya, i nikaa bera kina pa zubo tiyo kuba gupai nga ka zubo gu kpakarapai re. Rukutu wiri akpakarapai naye ka satihe ku rogo bakere akpakarapai.
“Mangasunge kina sa na nyanyakipaha rogo rogatise yo. Ka si ni du nga mi na kumbami amanganga sunge kina sa te, ka si du wa ka i ya aboro ue naraka rogo bangisa bambu sa angianga arogotise ya na gipai re ni kpakarakpakaraha ho daha ni tipa i mangi nyanyaki adiaberã.”—Alexandra.
GUPAI RENGBE MO KA MANGAHA
MO ASADI TIRO
-
Ya mo mi nabi gu mara mi agbiaha nga “gimi du dunduko”?
-
Tipa ka ongoda wenengai, ya mo si naida mi du adu mbata tuturũ ti gi badiarogatise?
-
Ya mo mi naakpara tire ti agume gi badiarogatise si ki vura du vuru nga ko watadu ri mbembedi na yo?
MO FURA NA GAMO BADIAROGATISE
-
Rogo gini abangiriba rogo gaani rogatise ani amangapai wenengai rogo kina sa?
-
Rogo gini abangiriba si aida ani mangi ome rogo kaa mangapai kina sa?
-
Gini adiandue rengbe ani ka mangaha tipa ka mbakada gu gene ani amangapai ngbaha sa?
ABERÃPAI
-
Ka mo naabingo ga badiarogatise wa gu vuraro oni amanga a abaangirã nani ya. Kuba gure, gini adiandue rengbe mo ka mangaha tipa ka koda tiro kuti ga badiarogatise tipa wa ka oni amangapai kina sa?
-
Kuba gupai nga kaa berã gupai nga, ‘Wai gu rengbe mi ka du na diabese?’ mo naaberã gupai nga, ‘Wai gu rengbe ani dunduko ka du na diabese?’
“Ka mo naaberãnga pa da nga rengo watadu da nga ingahe ya. Anga gupai re du ni nyanyakipaha ki susi gupai du naye na zereda gbiati kodatise rogo ga rogatise te.”—Ethan.
BANGUA RENGO NGA GA BAIBIRI: “Ka oni bérẽ nga pa kina gaoni pai ya, ono oni bérẽ pa ga akuaroni apai.”—AFiripoio 2:3, 4.
