Ya mo mo gedinga agu aNgbaõbambu Sinziri nga ga gi garã re wenengai? Sidu, mo bingoho singia mo rengbe ka karagapai kuti agi asanahe re:

Gini kpiapai Yekova namoihe nibipa wai ka mangapai na adee?

Ko namangapai na yo kina sa, ko angbanga na kina akumba kisusi adee te. Mbori nadegatuko adega fu adee, ko naberãpa gayo abipai na abakabangirise aberã. Na ko ima fu gako sunge fuyo i mangihe.​—w24.01, kpe. 15-16.

Waigu rengbe ani ka mangapai kuti AEfeso 5:7, nga gu naya: “Ka oni angbé nga ti ni na yo ya”?

Gu mokedi nangia Pauro aza rani tipa ka ani kodinga tirani na agu aboro nika saha ni kpakarakpakaraha furani ani kakuti ga Mbori arugute ya. Gi kodatise re dunduko nabipa agu aboro ani adia regbo na yo gbiati aguyo ani afura na yo rogo aũfugo-dagbase.​—w24.03, kpe. 22-23.

Gini aziree apangbanga si aida ani banda tirani ti ni?

Si naida ani du na rubangirise ti gu ziree apangbanga rengbe ka ye be agu aboro nga wene abakurearani nga aguyo rengbe ka keda gu pangbanga furani adunga nga rengo ya. Ani ima rengba ka gbia email na ziree apangbanga rogoho be agu aboro ani ainongo yo ya. Na ani ima rengba ka gia ziree apangbanga ngba agu aboro nga abasamungu nga aguyo namanga tiyo nga i na nyemu rengo tiyo.​—w24.04, kpe. 12.

Ginipai ani nainihe na ginipai ani ainongo ho ya tipa wai Yekova nika sapangbanga Bakindo Soromo gbiati agu aboro nakpiki Sodomo na Amora yo na ti regbo ime akangbii?

Ani ainongo ho singia Yekova ima gbarasa yo nyeanye kindi te. Ono gupai ani nainihe nga arengo dunduko du beko na ko na bakere inapai.​—w24.05, kpe. 3-4.

Padu Mbori nga “Mbia” nakido rani na ginipai? (Pa Rug. 32:4)

Ani ima rengba ka gbata bagbuko be Yekova. Ani ima rengba ka kido kuti Yekova, kaa bandapa gako akidohe rirani yo dedede. Na Yekova aˈarianga tiko te, asino ko gbiati gako ringbisapai aˈarianga tihe te.​—w24.06, kpe. 26-28.

Ginipai rengbe ka undo ro mo iniditiro na gamo vovo dungurati?

Mo kido kuti Yekova ko undo ro wa gu ko aundo gako amoyambu mbata kusayo. Mo ne gupai nga kaa ringbisa gamo kuru dungurati na gamo vovo dungurati. Mo naamangapai rogo gamo vovo dungurati, na mo ki asadi ka sonosa vovo pabakure.​—w24.07, kpe. 26-28.

Gini apai ani awirikaha ti agu asanza biata du rogo Matayo kapita 25?

Gu sanza du tipa akandoro na ameme nanyakasa pa nye ani ni rururani. Gu sanza nga ga ngasu adee ni airatatamana gbiati aguyo nangia airamungo nanyakasapa mbakada ani tirani na kini ngere. Na gu sanza du tipa ataranda nanyakasapa nyakapa du ani ni agu aboro nagamahe na kini mangisunge nyanyaki.​—w24.09, kpe. 20-24.

Waigu bagizo gu mbaraza nangia ga Soromo yekaru adu?

Gu kura kuru kekeapai nibee rogo 2 Pekapai 3:4, naya mbiribe “120” si kini sa gupai nga bagizo gu mbaraza re du nga ametere 53 (dagbandue 175) ni gbangaha kuari. Ono gu kura kuru kekeapai nibee gbiati kura sasa apai nape gupai nga ‘bagizo mbiribe 20,” si kini sa gupai nga si du nga ametere ribua (dagbandue 30) ni gbangaha kuari. Si nangera wa si naringbisa tihe na bakio wai bakio kpoto yekaru adu.​—w24.10, kpe. 31.

Ginipai padu moundo abaakumba ‘ni kumba ku de sa’ ayugoho? (1 Tim. 3:12)

Si nayugo gupai nga ni di dee sa ki zanga manga wasiwasi kodaba. Kurii gure, si aidanga ko naabi kura adee na nyemu yo te.​—w24.11, kpe. 19.

Tipagine rengbe ani ka ya ti ni wẽ Yoane 6:53 aapenga gupai nga wo du si aida i naamanga Ga Gbia Riahe te?

Yoane 6:53 nafura tipa gupai si aida boro ri pasio Yesu na ki mbiri kureko ti ni. Yesu ape agu apai re fu gu rimbasa aYudo nadu Gariraya yo nga aguyo si aaida kindi i du na idapase kuti ko. Ono tie, i asigira Ga Gbia Riahe fuo garã sa kusa Yerusarema yo. Yo Yesu afura ni na agu aboro ko nika zogarago na yo ngbangbaturũ yo.​—w24.12, kpe. 10-11