Si taata ti aregbo dunduko tipa ani tingidi gupai ani nawisigihe te. Ono si taata ka tingida gu badungu apai Yesu ayuguhe furani bambiko ko anaamangasunge na akpiapai dedede. Ani ima rengba ka bi kpia gupai Yesu apehe rirani yo na gupai re naundo rani tipa ani tingidi gupai ko ayuguhe. Wakina gure a, mo ima rengba ka tingida gupai mo nawirikihe ho mo amaa kpia gupai ni mo agedaha kuriro yo. Waigu rengbe mo ka manga gupai re? Ni ke mo asura agu apai mo awirikaha.

Agu aboro ni naake asura gu vovo apai i nawirikihe ninaatingida gupai i nawirikihe dedede. Ke ka asura naundo yo i rugutiyo wenengai na afugo gupai i agedaha gbiati gu memeapai i awirikaha. Anga gayo asura ni kpakarakpakaraha te, ono si gbua taata. Na gopai nayugo gupai nga sosono aboro gbe rengbe ka gbia undo ti gi birĩ re.

Ti gu regbo mo nika wisigopai berewe, mo ima rengba ka asada ka ke sura gupai mo nawirikihe. Kina ngbaro rengbe ka zera ka bi bakio gupai mo nika tingidaha!