Ngbaanga: Ringbisihe kuti buku sa, gu pa-Giriki sayo ho nga “ngbaanga” du rogo 2 AKorindo 1:​22 angia “gu fugo ababagiahe anaamangasunge na ni” du rogoyo nga “fu bambata marã, nyanyaki kidohe tipa ka tumo bambata marã tipa guhe mo nangbehe, ka manga gupai nika dia tiko ti aboro kusayo tipa he, watadu ka giatise wenengai tipa sunge.” Tipa mbedimbedi aKristano, i sakipai tipa gayo mosoro naabaha rogo 2 AKorindo 5:​1-5 nga si nakoda dia yo gu kpoto nikaa zirãnga ya ngbangbaturũ yo. Gu mosoro re nakoda gbia gu unga a zanga kpio.​—⁠1 Kor. 15:​48-​54.

Rogo gu pa-Giriki du ti gaani regbo re, i namangasunge na fugo wakina gure tipa tongo nga ga pazuatise. Gi kpiapai re ima rẽ tipa agu aboro nika da ni papara gu dee Kristo nika diari nga gu narukuba gu kurapai.​—⁠2 Kor. 11:2; Yugo. 21:​2, 9.

Dikohe: Mbata kusayo, dikohe anidu wa maa fuöbee tipa ka yugo na ni nga gu he re nga ga boro, na tipa aboro bihe nga rengo du, watadu ka giatise. Ono ka pepai ni masaku, mbedimbedi aKristano tigayo wa i ima ‘dikohe’ tiyo na ziazia toro i ki da ni ga Mbori aboro. (Ef. 1:​13, 14) Wa vura duhe wo, anga gi dikohe re nga nyenye dikohe te, ono si nawira wa i na dikohe tiyo ni yangaraha ho i akpi ni niruru yo fu Mbori watadu mbata fu bakere gberãngbi tona.​—⁠Ef. 4:​30; Yugo. 7:​2-4.