I rengbe ka mbupai furani ti gaani aingapai mbiko kina gu motumo tumorii Yesu atumoho ni kureko. (Ef. 1:7) Wa vura duhe wo, Baibiri nape gupai nga: ‘Mbori ambu gu gbegberẽpai i anamanga mbata mbiko gako hipai,’ naida ka ya, mbata fu Yesu tumo na motumo tumorii. (Rom. 3:25) Waigu Yekova arengbe ka mbupai ti aingapai mbata fu motumo tumorii na kidu kindi ni gu Mbori nga ga ruru sarangbanga ko?

Yekova akidohe tipa ‘tita de’ nga gu ko si adunga ko nika batasa agu aboro nika du na idapase kuti Ko na gako akidohe. Ho ko amangi gu kidohe re ni, si adu wa ka i ya, ti kina gu regbo re, i aima fu motumo tumorii. (Bam. P. 3:15; 22:18) Mbori aima du na gu kido nga, Wiriko nika duadu na nyemu ka fu motumo tumorii ti gu regbo Mbori nika ida ko fuhe ti ni. (Gara. 4:4; Eb. 10:7-10) Ho Yesu adu ni auru kpotosende, Yekova afu gu pagbia fuko nga ga mbupai ti aingipai mbata fu ko fu motumo tumorii. Yesu adu na rengba ka vu agu aingapai agu aboro nadu na idapase aamangaha mbiko ko aima ino gupai nga, gu motumo si adunga ko nika fuhe nika dada gayo aingapai adada.​—Mt. 9:2-6.