Rogo kura uru sa, wirina ni dee rogo gu ringara nga New Zealand abi vidio rogo jw.org nga gu naasakapai tipa wai du Yekova na nunga na kini yuguhe. (Yes. 63:7-9) Ri adiberã ka mangapai kuti gupai ri awirikihe ningera ri tipa amomu ka undo boro. Kusa, rogo gu uru re, ho ri aangbeka ariahe ni, ri abi dee kporo aadunga tiri ya na ri ki ngbe riahe furi ri rihe. Gu dee re aima ida na gu undo re. Ho gu wirina re aye ni na riahe furi, ri amangi dezirepai furi ni wiri guruhe ni manga ri sunge na gu trakte nga Ya Mo Rungo Atingidi Nyasi?

Gu dee re atona ka kpara ni aume. Gu dee re ape gupai furi nga avunguri angia aDezire Yekova na i aima yugo rengo furi, ono ri aamanganga sonakumbatayo te. Ono bara mbeda, ri ima digo nimangi kparakpee fu Yekova tipa ko undo ri ri karagatiri fuo ko. Gu wirina re afu Baibiri fu gu dee re na ki mangi mbakadapai tipa wirika Ziazia Kekeapai. a

Wakina Yekova, ani ima rengba ka yugo nunga fu aboro, kodihe na agumerani gbiati awirina rogo dungurati. Na ani ima rengba ka yugo nunga ni ngera ani tipa amomu ka fura tipa Yekova fu kura aboro.