Ya mo mo gedinga agu aNgbaõbambu Sinziri nga ga gi garã re? Sidu, mo bingoho singia mo rengbe ka karagapai kuti agi asanahe re:

Ginipai pa “mbakada berãroni berewe” akodaha? (Rom. 12:2)

Si nakoda dungu apai susi gu nga ka hiiso gamo raka na wene asunge. Si nakoda pa berã ani kuriipa gu ngbatunga boro nga ani kpotoraniyo na ki mangi ai gu ariapai si aidaha tipa wa ka ani mangipai kuti ga Mbori arugute wa rengbe omerani na ni.​—w23.01, kpe. 8-9.

Waigu rengbe ani ka yugo ruru bipai ho ani abi agu apai ni namanga rogo zegino?

Ani ima du na nyemu ka bi wai agu apai du rogo zegino adigiso sangbaanebi. Kuba gupai nga kaa berãkurii agu apai re nga gu niima rengba ka ye na kparakaro, si naida ani moimburu gaani sakapai rii agu apai i nakusihe rogo ga Yekova riigbu. (1 Kor. 1:10)​—w23.02, kpe. 16.

Waigu du ga Yesu bapatiza kia ti ga apefuoko?

Si aaidanga ko kpara gako raka fu Mbori te, bambiko i avunguko ku dagba gu rikaaboro i aima kpara yo fu Yekova. Si aaidanga ko saberã ko ti gako aingapai te, bambiko ko angia rengberengbe boro.​—w23.03, kpe. 5.

Waigu rengbe ani ka undo kura aboro i naakaragapai ti regbo adunguratise?

Ani ima rengba ka sa gaani akaragapai si du ni wiri guruhe na ki mbu gene fu kura aboro i fura a. Ani ima rengba ka ne gupai nga kaa fura tipa dungu memeapai. Abangiriaba nika du kinaho fu kura aboro i fu karagapai.​—w23.04, kpe. 23.

Ginihe gu “Gene Ziazia Pai” i napepa ha rogo Yesaya 35:8 arukubaha?

Ni bambataha, gi gene narukuba kurapai re aayugopa gu gene aYudo aru ngbaha Babera yo ka karagatiyo ku rogo gayo ringara. Na areme tigaha gu gene re narukuba gine? Rogo gu dungu kama agarã naadu mbata fu 1919, i amangi sunge mbakada gi gene re​—dagba gu dungu apai yo i amangihe, i asa aBaibiri na ki gbingbidaha. Ga Mbori aboro aima digo nindu ngba “Gene Ziazia Pai” ku rogo gu paradizo nga ga toro, nga gu naye na agu amaku nga ga Kindo.​—w23.05, kpe. 15-19.

Asanza kapita 9 nafu rugute tipa gini ngbatunga adee ue nga aguyo narukuba kurapai kia?

Asanza nafura tipa “de abiatise” watadu mumungo de nga guri gari yambahe andu ku “Baatoro kpikpi aboro yo” na i fura tipa ndikidi “tatamana” nga si nga gu dee gari yambahe andu kuti “gene rugatinapai” na kuti unga. (Snz. 9:1, 6, 13, 18)​—w23.06, kpe. 22-24.

Waigu ga Mbori umbasitise gbiati gako ruru bipai adu ni yuguyuguhe rogo gako mangaapai yo na Roto?

Yekova afu rugapai fu Roto ko zubo ku rogo gu rago naadu rii abaagangara yo. Ono Roto azungodi Mbori nga ko naida ka zubo ku Soara yo, na Mbori aima idaha fuko.​—w23.07, kpe. 21.

Ginipai rengbe diakumba ka mangaha ka kumbari aabi kpia kundiri aboro?

Si naida ri tingidi gupai nga anga ri du i narengbe ka bira ri te. Si naida ri moiberã ri kuti gari pagume na Mbori na kini berẽkurii agu apangbanga ga Baibiri nga ga agu adee nagbia wasa be Mbori be gayo akpakarapai. Ri ima rengba ka undo gari badiarogatise ko ne agu apai rengbe ka sa ko ko bi kpia kundiri aboro.​—w23.08, kpe. 14-17.

Ho aboro abisirapa gaani aida ni, waigu rengbe dudunguro giarogopaiyo ka undo rani ani du zezeredi?

Ani ima rengba ka bi gu sanahe re watadu bisirahe re ni gupai rengbe ka undo rani ani ini ga kura boro berãpai watadu gupai ni amaaberã ni tipaha. Si nika undo rani ani karagapai ngba zezeredi gene.​— w23.09, kpe. 17.

Ginipai rengbe ani ka wirikaha be Maria nibipa gbia ome?

Ho Maria aini gupai ni nga ri nika ngia navungu Masiya, ri agbia ome be kura aboro. AGaburere na Erizabeta afu gu ngarasaro nga ga Ziazia Kekeapai fu Maria. Ani ima rengba ka gbia ome a be akuarani airisimbori.​—w23.10, kpe. 15.

Waigu Yekova narengbe ka karagapai kuti gaani akparakpee?

Ko kidohe ka degatuko kuti gaani akparakpee na ki bi wai duhe na ngbanya dagbaha na gako ringbisapai. (Yere. 29:12) Ko ima rengba ka karagapai kuti gaani akparakpee ngba agu agene du kia, ono ko nikaa songoda rani ti aregbo dunduko.​—w23.11, kpe. 21-22.

ARomo 5:2 fura tipa ‘maabangirise,’ sidu, tipagine i nasakipai tipaha berewe ti ni rogo veresi 4?

boro agia wene pangbanga ni, ni nagbia gu maabangirise nga ga raka na ngbarago rogo paradizo auru kpotosende. Ono wa ni nikaa gbia tini na arungosiro, kini hipai, na ki bi gupai nga Mbori ima ida na ga ni pai, si nawiraha wa gani maabangirise nika nyaka gbe si ki da fu ni ni ndikidi pai.​—w23.12, kpe. 12-13.