RAGO Biata wiso rogo Ngi 24, 2018, agu avuru Betere du Amerika yo na Kanada yo agi kparakpara tingidapai nga: I ima maa Wiriba Kenneth Cook, Jr., ku dagba agu aboro yo du rogo Riigbu Bipasunge.

I avungu Wiriba Cook na ki sonosi ko Pennsylvania yo, Amerika yo. Ko awiriki rengo be kurako sukuru yo ho ko aambeda ni ka nyasa sinia [Secondaire] na ko azi bapatiza rogo Banzinga 7, 1980. Ko atona sunge kindo ti aregbo dũ ni bazakigene rogo Mbirinvuo 1, 1982. Fuo ko mangi sunge abazakigene tipa garã ue, i kini yambu ko ku Betere yo, na ko atona manga gako sunge Betere Wallkill yo, New York yo, rogo Tanvuo 12, 1984.

Vuru agu agarã yo 25 nangbe fuo gu garã re, Wiriba Cook amangisunge rogo dungu aba, ko amangisunge rogo gu biroo nga ga gbingbida awaraga na rogo gu kura abasunge nga ga Betere. Ko adi diako nga, Jamie, rogo 1996, na ri ki tona mangasunge Betere a Wallkill yo. Rogo Banduru 2009, I afu Wiriba Cook na diako na sunge ku rogo gu Bawirikapai Nga ga Riigbu du Patterson yo, New York yo, na i amoi Wiriba Cook yo ko mangisunge na gu Rondo Nakeka Awaraga. Rogo Zerekpe 2016, fuo Wiriba Cook na diako karaga tiyo tipa bete regbo ku rogo gu Betere du Wallkill yo, i akedi yo ku rogo gu Betere du Brooklyn yo, New York yo. Fuo adiwi bisue kusa, i aga ku rogo gu riibasunge nga ga zegino du Warwick yo, New York yo. Rogo Ngi 2017, i amoi Wiriba Cook ko nimangisunge ni moundo Gu Rondo Nabipa Sunge Kekeapai nga ga Riigbu Bipasunge.