Ni kpiapai, Sally, * du Amerika yo, nga guri pa gari ahe agberẽ mbiko bavugumo aya: “Mi abihe nga ka mi hi nga akpakarapai berewe te. Tipa dungu aˈuru mi abihe nga ome apai ima fu rire, na pai ho ka mi mangihe berewe te.”

Gu kura kpakarapai berewe rogo raka yo nga kpio gu boro ani kpinyemu ni. Janice, du Austraria yo aya: “Ho awire ue ni akumba akpiki ni, mi a′asadi ka manga ai gupai mi arengbe ka mangaha tipa ka karaga gimi raka berewe kubaha. Mi azungodi Mbori nga: ‘Ako gi Mbori, ka mi hi nga pai berewe te! Mo mbure mi kpi. Mi aidanga ka raka berewe te.’”

Daniel tigako, adu na gberãrago mbiko diako aadunga niruru ri fuko te. Ko aya: “Ho diare ape gupai ni fere nga ri ima manga bäri, si adu wa ka ya sape du i narũ re na ni. Kpotore aigirã aigirã kindi—si adi dungu adiwi.”

Gi Ngbaõbambu Sinziri re nika sakapai tipa wai du raka kindi na nyanyakipaha zavura ho

• Gberãngo amanga ni

• Gu boro akpi ni mo akpinyemuni

• Badiarogatise amanga bäri ni

• Mo asovura ni na kere kaza

• Raka ada ni nga ba hihe te

Sidu, ni bambataha, wai gu rengbe ani ka du na diabese ho gberãngo amanga ni?