Mo rengbe ka ya karaga pai nga?

• Ii

• Oó

• Mi ainongo ho te

Gupai Ziazia Kekeapai agumbaha

“Mi ini he ya Yekova nambakada pa gu ngbanga nga ga gu ni i arungosi ni, ki sari ngbanga ni ruru he fu airazingoahe a.” (Atambuahe 140:12) Ga Mbori Kindo nika ye na ndikidi rurupai ku auru kpotosende.

Gini kura apai ani awirikaha rogo Ziazia Kekeapai yo?

• Mbori nabi gu iraira mangapai abi namanga awere rogo zegino, na ko nika rugaha aruga.—Batungusipai 5:8.

• Ga Mbori rurupai nika ye na zereda gbiati ngbabase ku auru kpotosende.—Yesaya 32:16-18.

Kura aboro idi kuti gupai nga Mbori ima fu maku fu kura ngbatunga aboro watadu ka tiwa yo, agu akurayo ki idi kuti gupai nga, Mbori nabi aboro kina sa. Ga mo bipai nga gine?

Gupai Ziazia Kekeapai agumbaha

“Mbori akpara nga aboro te; ono dagba rika aboro yo dunduko gu ni nagunde ti ko, ki nimangi rurupai, kina ni ngba ti ko.” (Amokedi 10:34, 35) Bangiri Mbori, aboro dunduko kina sa.

Gini kura apai rengbe ani ka awirikaha rogo Ziazia Kekeapai yo?

• Ziazia Kekeapai na ‘wene pangbanga’ fu “arikaaboro, na ngbatunga aboro, na ngbatunga afugoyo, na aboro.”—Yugoti 14:6.