Gini Maabangirise Duho Tipa Kpikpi Aboro?
ANI dunduko kpio arungosi rani. Ono ya mo raka ho berewe fuo kpio? Ya mo bangirise ima go tipa kpikpi aboro? Ya mo maabangirise ho tipa yo?
MO BINGO GUPAI BAIBIRI AGUMBAHA:
BANGIRISE AGONGA TI KPIKPI ABORO TE
“Agu yo . . . dunduko du rogo amurã yo, ki kuru.”—Yoane 5:28, 29.
Mbori naberãpa kpikpi aboro aberã; aguyo du pa yo berãko yo azinga azinga.
ZINGABEKPIO NIKA DU ADU AURU KPOTOSENDE
“Ruru aboro azinga be kpio na iraira yo a.”—Amokedi 24:15.
I nika zingisa abirioni aboro berewe i da ni unga yo ka raka nyeanye kindi rogo zereda kpaima.
GU MAABANGIRISE NGA GA ZINGABEKPIO NGA NDIKIDI PAI
“[Mbori] nageda akerekuru, ki niyambu rimo kuti ra dunduko.”—Atambuahe 147:4.
Ka si du nga Mbori na rengba beko ka yamba akerekuru ti rimo ra, naida ka ya si fuko a taata ko tingidapa aboro na ki zingisi yo.
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Gini He Nga Zingabekpio?
Kina ngbaro rengbe ka zera fuo ino mo pa agu aboro i nika zingisayo.
