1. Si naida ani bi gu idapase nga ga aKristano wai?

GU IDAPASE nga ga aKristano nga gu he du na nyanyakipaha. Anga aboro dunduko du na idapase te. (2 Tesa. 3:2) Ono tie, Yekova ima fu “ringbisiringbisi idapase” fu airisiko ni basasa. (Rom. 12:3; Gara. 5:22) Agu aboro dunduko du na ni, si naida i du na bakere tambuahe.

2, 3. (a) Gini amaku rengbe gu boro du na idapase ka gbiaha? (b) Gini asanahe ani ka wisigopai tipaha?

² Yesu Kristo aya, Bako ngbangbaturũ yo nagbe aboro koyo du Ko ni vurube Wiriko yo. (Yo. 6:44, 65) Padu na idapase kuti Yesu nasaha taata fu boro i mbupai funi ti gani aingapai. Gure nazakagene fu boro ni du na maabangirise tipa kadu na wene pagume na Yekova. (Rom. 6:23) Ginipai ani amangihe tipa ka rẽ na wene pa maku wa gure? Wangia ani aboro ingapai, guhe rẽ ani tipaha nga kina kpio. (Tam. 103:10) Ono Yekova aima bi wenepai ku rogo rani yo. Vurube gako weneringise arẽnga aboro tipaha ya, ko azakigene ku ngbaduraniyo tipa wene pangbanga. Ani ki  tona kadu na idapase kuti Yesu na gu maabangirise nga ga nyenye unga.​—Oni gedi 1 Yoane 4:9, 10.

³ Ono ginihe nzunzu nga idapase? Ya mo si nga kina berãpa agu amaku Mbori namoihe furani kumbatayo? Gu nyakipaha gbe nga, rogo gini gene si aida ani du na idapase?

4. Oni sakingo pai tipa ndu gupai adunga idapase ti ni nga gupai gbua boro aberãha ya.

⁴ Idapase nakoda dungu apai angianga kina rugatise na pa ga Mbori ringbisapai sa ya. Si nga gu bakere ome nafõ boro ni mangipai ringbisihe kuti gupai Mbori akpinyemuhe. Idapase kuti gu gene Mbori abatasa aboro ngbaha nafõ idipase ni tungusi wene pangbanga fu kura aboro. Gu mokedi nangia Pauro asakipai tipaha nga: ‘Ka mo kusi pa Yesu ya Gbia nga ko ni ngbaro, ki idi pa gu pai kpotoro yo nga Mbori azingisi ko be kpio dagba akangba, mo bati abata. Bambiko boro naida pase kpotoni yo, Mbori ki sa ni ni ruru ni, ni ki kusi pase ni ngbani sa bata.’​—Rom. 10:9, 10; 2 Kor. 4:13.

5. Tipagine du idapase ti ni na nyanyakipaha, na wai du rengbe ani ka saha si du ni nyanyakihe? Oni funga kpiapai.

⁵ Si tie ziazia nga, gaani maabangirise tipa ka gbia nyenye unga rogo ga Mbori vovo zegino naruriipa du ani na idapase na kini saha si du nyanyaki. Ani rengbe ka ringbisa pa nyakasa gaani idapase kuti wai rũrũhe naida na ime. Guhe naraka araka, si na sakatihe asaka, ono gu arakanga ya arengbanga ka satihe te. Gu rũrũhe du ni ungaha, si nanyokora anyokora be zingo ime na ho du ime ni si nasona kina kumbatayo. Ka ime adunga tipaha ya, si nakpi akpi niyangaraha. Kinawo a du gaani idapase. Si nika nyokora na ki kpi ka ani angeranga fuoho ya. (Rk. 22:32; Eb. 3:12) Ono ka ani moiberã rani fuo gaani idapase nyanyaki, si nika nye ni ungaha na ki ‘moipai,’ na ani kidu “nzunzu rogo idapase yo.”​—2 Tesa. 1:3; Tito 2:2.

6. Gine agene ue AEbere 11:1 asakapai tipa idapase ngbaha?

⁶ Ziazia Kekeapai nasakapai tipa idapase rogo AEbere 11:1. (Oni gedihe.) Idapase naruriipa ahe ue nga gu ani abingo ho ya nga: (1) Guhe du ani na “maabangirise mbiko ho,” gipai re ima rengba ka koda agu apai du kumbatayo nga gu i aima kidohe tipaha nga si amanga ono ata manganga ya, wa gu nga digido gbegberẽ apai na pa ye vovo zegino. (2) Gu ndikidi “ahe i abi nga ni bangirise ya.” Rogo gi bangiriba re, gu pa-Giriki sayo ho nga “wisiga pa agu ahe” si nafura tipa “ndikidi goapai” nga ga agu apai i abingo ho ya, wa gu nga padu Yekova Mbori ti ni, Yesu Kristo, amaraika, na agu apai gu Kindo nga ga ngbangbaturũ amangaha. (Eb. 11:3) Wai du rengbe ani ka yugoho nga gaani idapase ni ungaha na ani idi kuti agu apai du rogo Fugo Mbori yo ani abingo ho ya? Ani nayugoho rogo afugo rani yo na gaani mangapai mbiko ka si adunga wo ya, gaani idapase dunga ni rengberengbehe te.

7. Wai du ga Noa kpiapai aundo rani ani rugutirani na guhe padu na idapase ayugoho? (Oni bi gu sura du ti tonatonaha.)

⁷ AEbere 11:7 nanyakasapai tipa ga Noa idapase nga, ‘ho Mbori ayugu pa agu apai ni fu ko i ata bi nga ya, ko ki gunde ti Mbori, ki mbakadi kurungba ki batasi kpuko.’ Noa adu na idapase na ki mbakadi banaru kurungba. Zanga kapa, gako amurakporo aima sanako tigaha nga tipagine ko ambakada badugbo he ti ni wa gure. Ya mo Noa aongo aonga zanga fura watadu ka ya gayo sunge na ni nga gine? Wagusa te! Gako  idapase asako ko mangi dezirepai fuyo kakaka na ki za agu aboro naadu ti regbo ko nga, ga Mbori sapangbanga naaye. Si nawira gupai nirengo nga, Noa afugu kina boro agu afugo Yekova apehe fuko nga: “Digida rago da bangire tipa unga ahe dunduko; bambiko kpotosende hi be zuu mbiko yo . . . mi kina re nikakeda ime akangbi ku auru kpotosende, ka ba tunga unga ahe dunduko nga gu du na onga unga rogo ho yo, tii ngbangbaturũ yo; agu ahe du auru kpotosende dunduko si akpika akpika.” Berewe a, si nawira wa Noa aima pe gupai fu aboro rengbe yo ka mangaha tipa ka bata, na ki fugu gu zinahe Mbori afuhe nga: “Oni ki rimi ku kurungba yo.” Rogo gi gene re, Noa ayugu gako idapase nidu ko ni “batungusi rurupai.”​—Bam. P. 6:13, 17, 18; 2 Pet. 2:5.

8. Ginihe ga Mbori ziazia toro aundo Yakoba ko sakipai tipaha nibipa idapase fu ndikidi aKristano?

⁸ Si nawira wa Yakoba ake gako waraga ngbutuko fuo ga Mbori toro du na gu mokedi nangia Pauro ko sakipai tipa idapase. Wa si adu tipa Pauro, Yakoba ape gupai nga gu idapase nga ga ndikidi Kristano si nga kina idapai gbua te; si nakoda mangapai. Yakoba aya: “Mo yúgu he fere waĩ rengbe mo ka du na idapase nihe mangaapai koyo, mi ki yugu gi idapase foro rogo gi mangaapai yo.” (Yak. 2:18) Yakoba andu kumbatayo  nasakapai tipa gu kparakparapai du ti ida kuti kungbo pai na ti du na idapase. Adaimona ima ida kuti gupai nga Mbori kina ti ni, ono i na ndikidi idapase te. Kuba gure, i nasovura kuti ga Mbori ringbisapai ka si digisinga tihe ya. (Yak. 2:19, 20) Yakoba afura tipa gu kparakparapai duti gu kumba naadu na idapase bakuru kusayo nga: “Ati i asapu ngbanga fu Abarayama nga barani mbiko mangaapai, ho ko atumo ni ni Yisaka, nga wiriko, ri bamotumo? Mo bi he ya idapase amangi he na gako mangaapai, idapase ki du ni ziazia ha be mangaapai.” Tipa ka sa aboro i rugutiyo na gupai re wenengai, ko aya si naida i yugu idapase rogo mangapai yo, ki ya: “Si du ka kpotose zanga toro si du ni kpikpi he, kina wo ka idapase zanga mangaapai si ki du ni kpikpi he a.”​—Yak. 2:21-23, 26.

9, 10. Wai du gu mokedi nangia Yoane aundo rani tipa ani rugutirani na pa nyaka du na idapase?

⁹ Fuo susa agarã biata bawe kusa, gu mokedi nangia Yoane akepai rogo gako Kitabu Wene Pangbanga gbiati awaraga biata. Ya mo rago angbatiko na wai ga Mbori toro aundo kura abake Ziazia Kekeapai i sakipai tipa gu idapase nga ga ndikidi aKristano? A wa si adu tipa gu kura abake Ziazia Kekeapai, Yoane amangisunge na gu pa-Giriki i asaha ti kura aregbo nga ‘ida pa.’

¹⁰ Ni kpiapai, Yoane asakipai nga: “Gu ni ka idi pa Wiri nyenye unga du adu be ni; ono gu ni ka gia nga sangba Wiri ya, ni bi nga unga te, kina ga Mbori zinga nye ri ni.” (Yo. 3:36) Ga Kristano idapase nakoda giasangba ga Yesu azinahe. Yoane anaadiapai dedede rogo agu afugo Yesu yo nayugo gupai nga yugo idapase nga gupai si aida si ni mangi amanga kindi.​—Yo. 3:16; 6:29, 40; 11:25, 26; 14:1, 12.

11. Wai du rengbe ani ka yugo tambuahe tipa ino ani rengo?

¹¹ Nairiwo gu ngbarago si aida ani du na ni nga Yekova namangasunge na gako ziazia toro tipa ka yugo rengo furani na ka sarani ani du na idapase kuti wene pangbanga! (Oni gedi Ruka 10:21.) Si naida ani tambua Yekova ti aregbo dũ tipa gbe ko rani koyo du ko ni vurube Wiriko nga “baenge gaani idapase, du ni badigisi he” a. (Eb. 12:2) Tipa ka yugo gaani tambuahe tipa ga Mbori weneringise arẽnga aboro tipaha ya, si naida ani nyakasi gaani idapase rogo kparakpee yo na wisigo Fugo Mbori yo.​—Ef. 6:18; 1 Pet. 2:2.

12. Rogo gini agene rengbe ani ngbaha kadu na idapase?

¹² Si naida ani du a na idapase kuti ga Yekova akidohe. Si naida ani mangi gipai re ngba gu gene kura aboro abihe abi ziazia. Ni kpiapai, si naida ani tungusipai dedede tipa ga Mbori Kindo na kini sa aboro ni abawiriki. Na si naida ani “mangi gu pai amanga ngba angba fu aboro dunduko, fu kina agu yo gbe du ku idapase yo.” (Gara. 6:10) Na si naida ani mangi ome nyanyaki tipa ka “mbu gu kuru boro, na gani mangaapai,” ki bandatirani ti agu apai dunduko rengbe ka rungburasi rani rogo toro yo.​—Koro. 3:5, 8-10.

13. Wai du nyakipa du na ‘idapase kuti Mbori,’ na i ringbisihe kuti gine, na tipagine?

¹³ Ziazia Kekeapai naya: “Zanga idapase ga boro pai arengba nga na ngba bangiri Mbori te, bambiko gu ni naye koyo du Mbori ni gani pai nga ida ya Mbori kina ho, ko nafu mosoro fu agu yo nagbata ko.” (Eb. 11:6) Fugo Mbori nasakapai tipa ‘idapase kuti Mbori’ ni papara gu “mburuhe” si aidaha tipa boro da na ki nye ni ndikidi Kristano. (Eb. 6:1) Rogo gu mburuhe re, si naida aKristano moi gu kura nyanyakipa asino kuti ‘gayo idapase’ tipa ka  ‘bánda tiyo rogo ga Mbori nyemuse yo.’​—Oni gedi 2 Petero 1:5-7; Yuda  20, 21.

14, 15. Wai du nyakipa nyemuse ka ani ringbisihe na idapase?

¹⁴ Agu abake Ziazia Kekeapai nangia aKristano anyakasi pa idapase nifura yo tipaha wa bara akama. Gu kura sino ho nga ga aKristano i nafura tipaha dedede wa gure te. Ya mo gere nayugo gupai nga idapase nga nyanyaki pa sino fu Kristano?

¹⁵ Pauro aringbisi idapase kuti nyemuse ki ya: “Ka mi du na idapase dunduko rengbe na gbisa abaagangara, [ka] nyemuse adu nga ti re ya, mi du nga ni he te.” (1 Kor. 13:2) Yesu anyakasipa gu nyanyakipa sino nga ga kpinyemu Mbori ho ko akaragapai ni kuti sanahe nga: “Dagba arugute dunduko gini gu susi?” (Mt. 22:35-40) Nyemuse nakoda dungu nyanyakipa asino nga ga aKristano kodihe na idapase. Ziazia Kekeapai naya tipa “nyemuse” wẽ gaha ‘idapase’ adigongo te, du rogoyo nga si naida kuti apai dunduko. Si na idapase kuti agu apai Mbori napehe rogo Fugoko yo nga rengo du.​—1 Kor. 13:4, 7.

16, 17. Wai du i nanyakasipa idapase na nyemuse rogo Ziazia Kekeapai yo, ono ginigu kii dagbaha yo, na tipagine?

¹⁶ Mbikopa nyaka idapase na nyemuse, agu abake Ziazia Kekeapai nangia aKristano anyakasipa agi asino re bara dunguhe. Pauro azungodi awirinako i ‘ukadi gu marã ngbaduse nga idapase na nyemuse.’ (1 Tesa. 5:8) Petero aya: Wa ‘oni abi nga [Yesu] ya, ono oni ki nikpinyemu ko. Rogo ko yo oni avura bi nga ko awere ya, ono oni idipa ko.’ (1 Pet. 1:8) Yakoba asana awirinako mbedimbedi aKristano nga: ‘A nga Mbori nasia agu aboro du ni rungorungo yo rogo pa zegino i du ni kumukokumuko yo rogo idapase yo, i rogo gu ngbi ni gayo a, ko akido pa ha fu aguyo nakpinyemu ko, te?’ (Yak. 2:5) Yoane aya: ‘Gi nga [ga Mbori] rugute re, ya ani idi pa rimo Wiriko aida Yesu Kristo, nyemu akuarani ki du ti rani.’​—1 Yo. 3:23.

¹⁷ Wa vura duhe nga idapase na nyanyakipaha, gu kura papara agi asino re nika nyasa anyasa ho ga Mbori akidohe nika digiso tihe ni na ani ki gbia gu ndikidi pai du ani na maabangirise tipaha. Ono gu nyemupai du tirani nga ka sonosa gaani nyemuse tipa Mbori na akuarani adigongo te. Rogo gi gene re, Pauro aya: “Ono awere idapase du ho na maabangirise, na nyemuse; agi apai biata re; gu kii dagba ha nga nyemuse.”​—1 Kor. 13:13.

18, 19. Gini nyanyakipa ome duho nayugopa gu idapase ani abihe areme, na da si aida ani tambua ni tipaha?

¹⁸ Ti gaani regbo re, ga Yekova aboro na idapase kuti gu Kindo Mbori nasigiraha. Surungba gipai re nga gu paradizo nga ga toro du rogo zegino dunduko nga gu du na aboro rogoho naima susa amirioni muambe. Si nga gu ba hi be apapara zuzu ga Mbori toro. (Gara. 5:22, 23) Nairiwo gu nyanyakipa ome nayugo gu idapase na nyemuse nga ga ndikidi aKristano re!

¹⁹ Anga boro ho gipai re amanga mbiko gani ome te. Gaani Mbori du namangaha. Gi iʹiriwo mangapai re naye na taarimo fu Yekova “tipa nyenye yuguyugupai nga gu ka i adia nga ha ku sa yo ya.” (Yes. 55:13) Nirengo, “ga Mbori gamunihe du” nga si naida ani ‘bati mbiko idapase.’ (Ef. 2:8) Gaani paradizo nga ga toro nikaa sona kina kumbatayo na kini zugo daho zegino naabaha nika hi ni be rengberengbe aboro, ruru yo na aguyo nikaa taasarimo Yekova na ngbarago nyeanye kindi. Ani dunga adu na idapase kuti agu akidohe Yekova namangihe!