Ya mo mo agedingo agu aNgbaõbambu Sinziri sirisiri kuru barambeda kusayo? Ani bingoho singia mo rengbe ka karagapai kuti agi asanahe re:

Tipagine du Yekova aidipa agu avura ti ni i anaasoho bakuru kusayo Yisaraere yo?

Yekova nga boro nyemuse. Ono wa vura duhe wo, kura aregbo kinaho ko anaaida pa vura ho gbegberẽ apai anaamanga gako aboro ni. Kina Mbori sa nanaadiaberã tipa gu boro naarengbe ka so gu vura re na gu regbo i arengbe ka soho ti ni.—w15 11/1, kpe. 3-4.

Gini nyanyakipa apai du rengbe avunguagude ka mangaha ka raba sosono awiriyo i mangisunge fu Yekova?

Si ninyanyakipa pai fu avunguagude i yugu nyemuse fu sosono awiriyo na kini yugu umbasitise rogo gayo kpiapai yo. Na si ninyanyakipa pai a fu avunguagude i du na dudungurobipai na ki mangi ome ka giarogo gupai yo du tipa sosono awiriyo.—w15 11/1, kpe. 14-16.

Tipagine du si aidanga ti ni i bi papa nga ko naadiba Petero ya?

Matayo 16:17, 18 agumbanga gupai nga Petero du si adu nga ko nikangia rii gu dungurati nga ga aKristano te. Ziazia Kekeapai nayugo gupai nga kuba gupai nga Petero du na nyanyakipa ko kisusi, Yesu du si adu nga ko nikangia bakumba tukpu mbia nga ga gu dungurati nga ga aKristano. (1 Pet. 2:4-8)—w15-E 12/1, kpe. 12-14.

Gini apai si aida ani berẽkuriihe mbata fu ani fura?

Tipa ka manga gupai du niwenehe na mira rani, si naida ani tingidi gupai nga (1) gu regbo si aida ani fura ti ni (Batu. 3:7), (2) gupai ani agumbaha (Snz. 12:18), na (3) wai ka fura (Snz. 25:15).—w15 12/1, kpe. 19-22.

Gini mangaapai nga ga biriki aKristano anehe?

Ndikidi aKristano na ne pe ziree gbiati gumbarimo. I agumbanga agu apai du nga ziree tipa ka gbarasapa kura aboro te, na i amanganga biriki watadu ka dĩhe te.—wp16.1-E, kpe. 5.

Ada du nga agu “abairamotumo” i nafura tipayo rogo Ziazia Kekeapai?

A wa goapai ayugoho, gu fugo nga “abairamotumo” adu tipa gu nyanyakipa aboro naamangasunge nga ga aboromotumo, kodihe na gu kuru gbiamotumo i aima zoga ni ti sunge.—wp16.1-E, kpe. 10.

Wai du si aida ani mangipai koyo du gu boro ni nari kpokuto ti regbo Tingida Pakpio Yesu?

AKristano akiisongo pa agu aboro narihe te. Na gu boro nzunzu nga mbedimbedi Kristano, ni arengbanga ka ida i kiisipa ni te; ni apekangapa gu gani pagume du dagbani na Mbori re fu kura aboro a te. (Mt. 23:8-12)—w16.01, kpe. 23-24.

Ginipai rengbe ani ka wirikaha ti wai Abarayama adani bakurea Mbori?

Si nawira wa Abarayama ainipai tipa Mbori be Seme. Na Abarayama aini dungu apai ti gu gene Mbori amangipai na ko ngbaha gbiati gako aborokporo. Si naida ani asadi ka manga kina gu bangisapai re.—w16.02, kpe. 9-10.

Wai du i atona ka maa akapita na averesi rogo Ziazia Kekeapai?

Gu barumbatayo rogo pambori naaraki rogo 13 kama agarã nga Stephen Langton akparaka Ziazia Kekeapai ku rogo akapita yo. Agu abakeapai nga ga aYudo yo, i amoi averesi mbata ku rogo Kuru Ndika, na rogo 16 kama agarã, gu wene bawirikipai nangia Robert Estienne amangi kina gu ngisapai re a tipa Vovo Ndika. —wp16.2-E, kpe. 14-15.

Ya mo Satana aima ndu na Yesu nzunzu ku yekaru yo tipa ka asadako?

Ani ainongoho nzunzu te. Gupai du rogo Matayo 4:5 na Ruka 4:9 rengbe kadu nga ko andu na Yesu koyo rogo yuguyugupai yo watadu Yesu aru rogo tumbatumba rago yekaru yo.—w16.03-E, kpe. 31-32.

Ngba gini agene du rengbe gaani tungusapai nga ga aKristano kadu wa ndomo?

Ndomo naatona ka ti yeeye na si nazambuasi ahe kini saha si du ni ungaha. Ndikidi ndomo nga maku be Mbori. (Pa Rug. 33:13) Gu ome ga Mbori aboro akodatiyo ka mangaha gene tungusapai yo wakina gure a.—w16.04, kpe. 4.