NGBAÕBAMBU SINZIRI—AGU DU TIPA DUNGURATI Banzinga 2020
Gi Ngbaõbambu Sinziri re na gu kekeapai rogoho du tipa wisigoho rogo Buza 3-30, 2020.
“Ani Írisi Rimoro Airisa”
Gu kekeapai du tipa wisigoho 23: Buza 3-9, 2020. Ginipai du na nyanyakipaha fu aboro na amaraika? Ginipai nasa gupai re si du na nyanyakipaha gbe na wai du gupai re abi rani? Pa ruga ani tirani na agu akaragapai du kuti agu asanahe re nika undo rani ani nyakasi gaani pagume na Yekova.
“Mo Kpámia Kpotore Yo Si Gunde ti Rimoro”
Gu kekeapai du tipa wisigoho 24: Buza 10-16, 2020. Rogo gi kekeapai re, ani nika sakapai tipa gupai Davide agumbaha rogo gako kparakpee yo fu Yekova rogo Atambuahe 86:11, 12. Rogo gupai yo nga ka gunde ti rimo Mbori nga gine? Tipagine si aida ani naabi gu bakerepa rimo re ti ni na kiki? Na waigu rengbe gunde ti Mbori ka banda rani ho du ani ni ni asadiasadi rani ka manga gbegberẽpai?
Asanahe be Agedihe
Ya mo agu asino i natangara paha rogo AGaratio 5:22, 23 nga yangara agu asino nga ga papara “zuzu Toro”?
‘Mi ni Tire Nika Gbata Gimi Akandoro’
Gu kekeapai du tipa wisigoho 25: Buza 17-23, 2020. Tipagine gu kura aboro naima iriso Yekova ni ruruyo tipa dungu agarã ambu irisoko ti ni? Waigu Mbori abiyo? Gi kekeapai re nika sakapai tipa agu asanahe re. Si nika fura a tipa gupai rengbe ani ka wirikaha ti wai Yekova aundo kura aboro ti gu regbo i aake Ziazia Kekeapai ti ni nga aguyo naamanganga gupai ko asanayo tipa i mangihe ya.
“Oni Káraga Tironi Kono Du Mi Ni”
Gu kekeapai du tipa wisigoho 26: Buza 24-30, 2020. Yekova naida gupai nga agu aboro akodanga tiyo na dungurati berewe ya karagatiyo fuoko. Ani ima rengba ka ngarasa agu aboro naima zera rogo toro yo tipa i di gu ga Yekova yambahe kugume nga: “Oni káraga tironi kono du mi ni.” Rogo gi kekeapai re, ani nika wisigopai tipa wai rengbe ani ka undo yo i karagatiyo.
