Gu pa-Ebere mangiyo sunge na ni na dungu arogoyo ti ni. Mbiko gupai re, agi apai du kusende re nasarani ani rugutirani na ndikidi rogoyo:

1. Oni makianga pa agu apai dũ du rogo agu atambuahe re. Agu amaku i nafura tipaha rogo veresi 12 kuti 14 ani nagia rogoyo nga agu amaku re tipa ruru aboro, nga aguyo naida i ‘batasiyo na ki kusiyo’ be gbegberẽ aboro (veresi 11). Gi berãpai re a ni yuguyuguhe rogo veresi 15, gu fugo du yo bara ue nga “rago nangba,” si nafura tipa kina bangisa aboro, nga agu aboro “du gayo Mbori nga Yekova!”

2. Gi giarogopaiyo re na ngbanya dagbaha na gu kura apapara Ziazia Kekeapai nga gu nakido ga Mbori ruru aboro nga Mbori nika fu maku afu fuyo. Gi atambuahe re nayugopa gu ga Davide maabangirise nga gu naadu na wene mburuhe ti ni nga, tingbafuo Mbori batasi aYisaraere be avurayo, Ko nika fu maku fuyo i ki du na ngbarago gbiati kumuko. (Pa Mot. 26:​9, 10; Pa Rug. 7:13; Tam. 128:​1-6) Ni kpiapai, Pa Fu Rugute ni Ue he 28:4 naya: “Maku adú fu gu vungu oni ka vunga, na ku ri gu zuzuahe nga ga gaoni sende, na ku ri awiri gaoni zogozogo anya, ku ri pa zuga gaoni abagara, na ku ri awiri gaoni akandoro.” Nirengo, ti regbo gu zogarago nangia ga Soromo wiri Davide, ringara adu rogo bakere zereda na kumuko. Gu garakaha agaraka berewe nga, kura agu apai naadu ti regbo ga Soromo zogarago aayugopa ga Masiya zogarago.​—1 Aba. 4:​20, 21; Tam. 72:​1-20.

Kada ku ane, pa gia ani rogo Atambuahe 144 wagu re nasa gu atambuahe re naabaha dũ si yugu gu maabangirise ziazia nga ga ga Yekova amoyambu, nga Mbori nika gbarasa gbegberẽ aboro na ki sigira nyenye zereda gbiati kumuko fu ruru aboro.