6. Tungusapai Rogo Zegino Dunduko
6. Tungusapai Rogo Zegino Dunduko
“Gi wene pangbanga nga ga ngbi re i atungusa ha rogo zegino dunduko.”—MATAYO 24:14.
● Dee nga Vaiatea naraka rogo kisanga du Tuamotu yo. Wa vura duhe nga rukutu akisanga nga ga ambia Tuamotu yo wa 80, na raka yo nikpakarakpakaraha, bete aboro naraka araka yo du bangeyo wa 16,000. ADezire Yekova andu kurogo gu ba re ki tungusipai fu Vaiatea na gari amurakporo. Tipagine aDezire Yekova andu ti ni kurogo gu ba re? I andu koyo mbiko i naida ka fura na aboro tipa ga Mbori ngbi, watadu ga Mbori Kindo, rogo arago dũ, ka aboro vura kaa raka kina wari vurũ.
GINI APAI NAMANGA ROGO ZEGINO? Gu pangbanga nga ga Kindo ima gbandaka rogo apapara kpotosende dunduko. Rogo 2010, aDezire Yekova adi asaa naima susa abirioni 1 na 6 mirioni kuriihe kutingba takapande gi wene pangbanga re rogo aringara nga 236. Ka i kparaka bange gu namba re ti abatungusipai dunduko, batungusipai sa duna aminiti 30 beni nga ga tungusapai rogo aʹuru dunduko. Vuru agu agarã bawe susi, i ima kusa dungu agu awaraga nasakarogo Ziazia Kekeapai yo na ki ima kparakaha susi abirioni 20.
GINI BIPAI DU DUNGU ABORO NANI? I ima tungusa gu pangbanga nga ga Ziazia Kekeapai tipa dungu akutu agarã.
YA MO RENGO DU NGA GIPAI RE? Rengo du nga, dungu aboro ima tungusapai tipa gu pangbanga nga ga Ziazia Kekeapai. Ono tie, badungu aboro mangi gipai re tipa wiri bete regbo gbua na rogo wiri umba rago. Ono tipa aDezire Yekova tigayo, i ima tungusapai rogo zegino naabaha na fu akama amirioni aboro. ADezire Yekova ima kpatakara kuti sunge tungusapai i ki vura kaa gbiatiyo na kere sogote be bete gu gbegberẽ ariigbu duna ome. * (Marako 13:13) Kurigure, i afunga marã afu fu aDezire Yekova tipa gu sunge tungusapai i amangaha te. Kuba gure, i nafu gayó regbo gbua na kini kparaka abuku gbua zanga dia marã. Kina yó nitiyo nafu agamahe tipa ka manga gayó asunge nani.
GAONI BIPAI NGA GINE SA GIPAI RE? Ya mo i natungusa gi “wene pangbanga” re rogo zegino dunduko? Ya mo pa digo gi sangbanebi re nayugo gupai nga wenepai ima mbeda ka ye?
[Gu rukutu kekeapai du bandu kpewaraga yo]
^ ekeb. 6 Ka oni aida ka ino kura apai tipa wai aDezire Yekova anye niruruyo aʹasada ki vura du vurũ, oni bi gu vidio nga “Faithful Under Trials,” “Purple Triangles,” na “Jehovah’s Witnesses Stand Firm Against Nazi Assault” aDezire Yekova akusihe.
[Gu sura du ti kpewaraga 9]
“Ani nikaa tungusa gu wene pangbanga nga ga Kindo kindi zaaza wa Yekova nikaa mbugene kindi ani tungusihe, kini gbata ai gene ka dati aboro na tungusapai.”—2010 YEARBOOK OF JEHOVAH’S WITNESSES.
