Si naida na idapase ka guari rogo gu ba ani naima inidoho ka ga kurogo vovo ba tipa ka kiiso gaani sunge tungusapai. (Eb 11:8-10) Ka si du nga oni naberãpa ga ku rogo gu ba du na zingo rogoho, oni fura na gaoni abaakumba. Gini adiandue rengbe mo ka diaha tipa ka sia gu ba si aida mo siaha ka ga ku rogoho? Oni wisigi agu apai gaani awaraga nafura tipaha tipa ga ku rogo gu ba du na zingo rogoho. Oni fura na agu aboro naima ga ku rogo kura dungurati ka undo. (Snz 15:22) Oni kpari fu Yekova na ki sanako tipa gako rugapai. (Yak 1:5) Oni asadi ka inopai tipa gu ba oni aida ka ndu ku rogoho, ka gene du, oni ndu ku rogo gu rago re tipa bete auru mbata fu ga oni koyo.

ONI BI GU VIDIO NGA MO DU NA IDAPASE KI TONA MANGASUNGE TUNGUSAPAI​—MO GA KU ROGO GU BA DU NA ZINGO ABATUNGUSIPAI ROGOHO, NA KI KARAGAPAI KUTI AGI ASANAHE RE:

• Gini akpakarapai Gabriel adibehe na gini ariapai naundo ko?