Awirina namanga sunge nyanyaki tipa ka kusa akpia wai ka tungusapai, na dungu abatungusipai bi gupai nga si na wene sangbanaha rogo gayo dagbarago. Ono tie, apai ni bakiakia rogo kura apapara zegino, abatungusipai ima rengba ka mangasunge na gu kura gene tona fugo kia watadu ka sakapai tipa gu kura apai gene tungusapai yo. Rengo ngaha nga, si naida aboro dunduko pekefuo gu rugapai du tipa kparakpara tua. Gaani sásá nga ka digiso gu sunge Yesu afuhe furani nga ga tungusa gu wene pangbanga nga ga Kindo.​—Mt 24:14.

Ho ani amanga gu sunge ni fuyo ho fu agude sukuru si naida abatungusipai fura tipa gu riipai nga ga kpia wai ka tungusapai du rogo Waraga Dunguratise Nga ga Gaani Raka na Sunge. Ono tie, ka i afunga kura rugapai ya, abatungusipai ima rengba ka sia gu kura sanahe, veresi watadu gu gene i nika mangaha ngbaha kia nga gu rẽ tipa gayo dagbarago. Gi rugapai re nadiaba gu rugapai naadu rogo gu waraga dunguratise nga ga Banzinga 2020 kpewaraga 8.