Ani namangasunge na gaani ome ni tatamana ho ani amanga agu asásá ni nga ga toro. (1Kor 9:26) Asásá naundo rani ani mangisunge wenengai na gaani regbo mbata fu digido gi sino raka re. (Ef 5:15, 16) Ti regbo gaoni irisombori nga ga aborokporo, oni ima rengba ka sakapa gaoni asásá tipa gu garã nga ga sunge naye re. Tipa ka undo roni na gipai re, gi waraga dunguratise re na kekeapai rogoyo du na agu asásá rogoho rengbe oni ka berãkuriihe na ki mangi kparakpee tipaha.​—Yak 1:5.

Ni kpiapai, ya mo aborokporo dunduko rengbe ka mangapai kina sa tipa ka undo boro sa dagba gayo aborokporo yo ni da ni bazakigene? Ka mo abihe nga mo arengbanga kada ti agu asaa si aidaha te, mo fura fu agu abazakigene du apai tipa yo wa gamo. (Snz 15:22) Isoke, mo ima rengba ka sasana abazakigene ti regbo gaoni irisombori nga ga aborokporo. Tifuo gure mo keke gamo ringbisa regbo mangaapai. Ka si du nga mo aima manga sunge bazakigene mbata, mo bi agu apai du tipa ro singia mo rengbe ka mangaha awere.

Ya mo aboro dagba gaoni aborokporo rengbe ka mangasunge moundo abazakigene tipa diwi sa watadu bete adiwi? Ka ome adunga tiro ka mangaha wo ya, mo ima rengba ka mangasunge moundo abazakigene ni dia mo bete asaa kuti sunge tungusapai na auru dũ. Ka si du nga regbo bero ka ndu gene tungusapai yo bebere aposo te bambiko mo namangasunge ti aregbo dunduko watadu mo sukuru yo, mo ima rengba ka sia gu diwi du na dungu aongoda rogoyo watadu digido aposo bisue. Ti karendaria, mo kekepa gu regbo mo aida ka mangasunge moundo abazakigene na ki kekepa ringbisa regbo mangaapai.​—Snz 21:5.

ONI BI GU VIDIO NGA MO DU NA WINGBADUSE WA NGIA MO . . . BAZAKIGENE, NA KI KARAGAPAI KUTI GI SANAHE RE:

• Ginipai ani awirikaha ti gu pangbanga nga ga gu wirina nga Aamand nibi pa wai Yekova ayugo nyemuse na kini banda agu aboro nambu pa kura gayo apai ka mangasunge abazakigene?