Baibiri ima hi na agu akpiapai nga ga agu aboro Yekova akaragapai kuti gayo akparakpee. Ho ga Mbori amoyambu abi wai ni Yekova adegatuko kuti gayo akpakarapai na ki undo yo, ani ima rengba ka du na gu kido nga gayo idapase aima nyaka. Sidu, si ni wenepai furani tipa ani pe kina boro gupai nzunzu ani aidaha rogo gaani akparakpee yo na ki asadi ka bi wai Yekova nika karagapai kuti ni. Oni moi gupai ku berãroni yo nga karagapai kuti gaani akparakpee rengbe ka ye ngba gu kura gene watadu ko rengbe ka mangapai furani susi gu ani asanahe tipaha. (2Kor 12:7-9; Ef 3:20) Gini apai Yekova narengbe ka mangaha ni karagapai kuti gaani kparakpee?

• Ko rengbe ka nyakasa rani na ki fu gu ome furani nga ga borose tipa gaani idapase du ni nyanyakihe ka mangapai kuti kpakarapai.​—Frp 4:13

• Ko rengbe ka fu tatamana furani tipa ani mangi wene adiaberã.​—Yak 1:5

• Ko rengbe ka fu nyemupai gbiati gu ome si aidaha ani mangipai.​—Frp 2:13

• Ko rengbe ka fu zereda ho du ani ni na bakabangirise. ​—Frp 4:6, 7

• Ko rengbe ka mangasunge na kura aboro nga aguyo rengbe ka undo ro na agu ahe mo aidaha, nga aguyo nikaa fu wasa foro na kini nyakasi ro.​—1Yo 3:17, 18

• Ko rengbe ka fu undo fu agu aboro ani amanga kparakpee tipa yo.​—Amo 12:5, 11

ONI MOI GU VIDIO NGA YEKOVA “NINAGIA KPETAMBUAHE” NA KI KARAGAPAI KUTI AGI ASANAHE RE:

• Waigu gu pangbanga du tipa gu wirina nga Shimizu angarasa rani ka si du nga, kaza naka na ani ti mangaapai wa gu ani aidaha?

• Waigu rengbe ani ka wirika ga wiriba Shimizu kpiapai?