Rago Ue rogo Zerekpe 11, dungu agu aKristano naima zera rogo toro yo nika ye tipa Tingida Pakpio Yesu. I aima tona ora gu oto nga ga unga, ono ki zere mbiko gu kura ndu apai, i fura tipa bete agi apai re rogo gu burosua nga Mo Karagatiro Fuo Yekova. (Eb 12:1) Wa vura duhe wo, agi aboro naima zera rogo toro yo re kindi na nyanyakipa yo bangiri Yekova, nga guko nangbe yo na kure wiriko. (Amo 20:28; 1Pet 1:18, 19) Wai rengbe ani ka undo yo tipa i karagatiyo fuo Yekova?

Agu abaakumba du rogo dungurati nagbata agene tipa ka undo agu aKristano naima zera rogo toro yo kina wai babanda akandoro naata tipa gu kandoro ka ingi. (Rk 15:4-7) Gipai re nayugo ga Yekova nyemuse. (Yere. 23:3, 4) Aboro dunduko rengbe ka ngarasa aboro angianga kina abaakumba sa ya. Gu ome ani amangaha tipa ka yugo wenesino na ka du na nyemuse koyo du awirinarani ni nafu ngbarago fu Yekova na si nga pa maku. (Snz 19:17; Amo 20:35) Sidu, mo berãpa gu boro rengbe mo ka ngarasa ni, na si naida mo mangi gipai re zanga keesa!

ONI BI GU VIDIO NGA, ONI NGARASI AGU AKRISTANO NAIMA ZERA ROGO TORO YO, FUOHO, ONI KI SAKIPAI TIPA AGI ASANAHE RE:

• Ginipai Abbey amangihe ho ri agbia gu Dezire Yekova ni ri aainongo ni ya?

• Tipagine si aida gupai ti ni nga ani sana abaakumba ka si dunga ani naida ka ndu ka undo gu boro naima zera?

• Gini gene Abbey ambakadi tiri ngbaha ho ri andu ni ni uehe tipa ka bi Laura?

• Gini gene Abbey ayugu zeresangbaduse, hipai, gbiati nyemuse ngbaha ho ri aasada ni ka ngarasa Laura?

• Ginipai rengbe ani ka wirikaha ti ga Yesu kpiapai du rogo Ruka 15:8-10?

• Gini amaku naye mbiko gu ome agi awirina re amangihe tipa ka undo Laura?