Sunge tungusapai ni bazakigene naida wene ringbisa regbo. Ka si du nga mo natungusapai vuru poso yo tipa asaa 18, mo ima rengba ka mangasunge ni bazakigene—na mo kidu adu na regbo be ro tipa ongoda! Mbakada regbo wa gure ima rengba ka undo ro ho tunguotunguo pai akura ni, wa gu nga kaza watadu ho wege aˈaria tihe ni. Gu kekeapai du dagba gbakigbaki agene ti kpewaraga re na aberãpai fu agu aboro namangasunge marã tipa bete regbo watadu agu yo namangaha ti aregbo dũ gbiati agu aboro nina kakaza dedede ka ome adunga ti yo ya. Ka aborokporo mangi bete ariapai, boro sa dagbayo ima rengba ka tona sunge tungusapai ni bazakigene rogo Mbirinvuo. Si adu ni wenepai ka oni sakipai tipa gipai re ti regbo gu gaoni irisombori nga ga aborokporo naye kumbatayo.