Nunga nga du na rengba ka ino wai boro aberã na ka ino agu apai ni andu rogoho, na kini bi kura aboro na kiki na kini berẽpa agu apai i aidaha. Kura aboro ima rengba ka ino gipai re nzunzu nga ani na nyemu ka undo yo, na ka ani du nzunzu na nyemu ka undo kura aboro, nunga yo nika du adu ti rani. Ho ani ayugo nunga ni gene tungusapai yo, gure nga ani na wirika ga Yekova nyemuse na kini berẽpa kura aboro, na gipai re na nasa aboro i asadi ka ino Yekova.—Frp 2:4.

Yugo nunga nga gupai gbua si aida boro wirikihe tipa ka ru ka yugopai te; si nayugo tihe rogo gu gene yo ani adegaturani na kini fura ngbaha na wai ani abi apai na kini yaki aberani, gbiati wai du kpakpurani yo. Ani nayugo nunga nidu ani na ndikidi nyemupai koyo du boro ni. Ani namaa berãrani a tipa agu pai ngba tini, gani aida, na agu apai duni rogoho. Ani nafuka agu aberãpai rengbe ka undo ni angianga ka manga ni ngbaome ni mangi ariapai ya. Ho agu aboro ani atungusapai fuyo aida ni na gu undo ani afuhe, si na sa rani ani du na bakere ngbarago gene tungusapai yo.

ONI MOI GU VIDIO NGA, ONI GBIA GU NGBARAGO DUTI SA ABORO NI ABAWIRIKI —ONI MBAKADI GAONI GENE TUNGUSAPAI—ONI YUGU NUNGA, NA FUOHO, ONI KI KARAGAPAI KUTI AGI ASANAHE RE:

• Wai gu Neeta ni yugu nunga ho Jade niye ni kusa?

• Wai gu Neeta niyugu nunga ho Jade niya ni ri ni fudifudi ri berãri yo tipa ka wirikapai?

• Wai gu Neeta niyugu nunga ho Jade ni ya ni gari ahe ni mbakadimbakadihe te?