MO FU TIRO SA SUNGE TUNGUSAPAI | ONI KIISI GAONI NGBARAGO GENE TUNGUSAPAI YO
Oni Zi Ngbadu Aboro Yo
Giasangba Mbori naye ngbadu boro yo. (Snz 3:1) Sidu tie, ho ani ayugopai ni, si naida ani mangi ome ka zio ngbadu agu aboro yo nadegatuyo furani. Ngba gini gene?
Ka mo yugo nga kina rengo sa nga ga Ziazia Kekepai fu gamo bawiriki Ziazia ya, mo undo ni nibi wai du gupai re na ome kurii gani raka na gani pagume na Yekova. Mo undo ni nidu na tambuahe tipa wai agu apai du rogo Ziazia Kekeapai ayugopa ga Mbori nyemuse, gako wene asino na gako rurupai. Mo mangisunge na asanahe rogo tatamana yo tipa ka undo ni niwisigi gani abipai tipa agu apai ni awirikaha. Mo undo ni niberẽkurii gu wene apai ni narengbe ka gbiaha ka si du nga ni mbu manga agu apai du ni gbegberẽhe. Ho mo abi gamo bawiriki Ziazia Kekepai ni niyugu nyemuse tipa Yekova, gamo ngbarago nika kio kina kumbatayo.
ONI MOI GU VIDIO NGA ONI GBIA GU NGBARAGO DUTI SA ABORO NI ABAWIRIKI—ONI MBAKADI GAONI GENE TUNGUSAPAI—ONI ZI NGBADU ABORO YO, NA FUOHO, ONI KI KARAGAPAI KUTI AGI ASANAHE RE:
-
Tipagine Neeta ni sana Jade ti ni nga “Ya mo mo aberẽnga kurii gupai ani afura tipaha Rago Sa Sunge?”
-
Wai gu Neeta ni undo Jade tipa ri rugutiri na pa wai agu arugute nga ga Baibiri ayugo ga Yekova nyemuse tipa ri?
-
Ka ani zi ngbadu gaani bawiriki Baibiri yo, si nika sa ni mangi sona kumbatayo
Wai gu Neeta ni undo Jade tipa ri berẽkuriipa wai ri narengbe ka yugo gari nyemuse tipa Mbori?
