Ziazia Kekeapai nagumbapai gupai furani nga, si naida ani mangipai na sosono aKristano wa anarani na abarani, na kini mangipai na paranga aboro wa awirinarani. (Oni gedi 1 Timoteo 5:1, 2.) Agu awirina nga akumba gbe si aida i mangipai na agu awirina nga adee na kiki gbiati irisa.

Si aidanga gu wirina nga kumba mangi ai gupai nika ba gberãrago ti gu wirina nga dee te. (Eyo 31:1) Si aidanga gu wirina nga bakuparanga asadi ka mangapai na gu wirina nga dee ngba gu gene nika sari ri du na gu bipai nga ko naida i mbakadi pa rogatise ambakada na ri baraho duhe ni nga wiripai ho du kpotokoyo wo te.

Si naida abaakumba mangipai rogo nunga na agu awirina nga adee ka i sanahe watadu ka i agumba gupai si aida i bipai abi tipaha. Si naida abaakumba berẽpa aguyo gbe adunga na abadiarogatise beyo ya na kini songodipai ku barayo yo.—Ruta 2:8, 9.

ONI MOI GU VIDIO NGA ONI YUGU GU NYEMUSE ADIGONGO YA ROGO DUNGURATI —FU ADEKURUGBO NA AWIRINYAURE, NA KI KARAGAPAI KUTI AGI ASANAHE RE:

• Waigu dungurati ayugu bakere nyemuse fu Myint?

• Waigu gu nyemuse dungurati ayuguhe amangi wene dezirepai rogo gu gbaria re?

• Gini maapai gu nyemuse dungurati ayuguhe adu nani kurii Myint gbiati awiiri?

Gini bete agene duho rengbe ani ka mangapai ngbaha ka yugo na ni nga ani naberãpa agu awirina nga adee du rogo gaani dungurati?