Yekova naida aborokporo du na ngbarago. (Tam 127:3-5; Batu 9:9; 11:9) Ono tie, ani ima rengba ka zanga gaani ngbarago mbiko gu bakere gberãrago naye mbiko agu apai du rogo gi zegino re watadu mbiko agu aingahe nga ga gaani aborokporo. Ginipai rengbe aborokporo ni basasa ka mangaha tipa ka fubee sa gu ngbarago nga ga aborokporo?

Kumbakudee nafu irisa fu diako. (1Pet 3:7) Ko nadia regbo na ri. Ko na ruru bipai tipa gupai ko aidaha be ri na ko nayugo gupai nga ko na tambuahe tipa agu apai ri amangaha fuko gbiati aborokporo. (Koro 3:15) Ko nagumba pa wai fu ri ko nakpinyemu ri na kini tambua ri.—Snz 31:28, 31.

Diakumba nangera tipa agene tipa ka songoda kumbari. (Snz 31:12) Ri nara kutiibe ko na kini mangipai wa sa na ko. (Koro 3:18) Ri nafura fuko ni nunga na kini fura wenengai tipa ko fu kura aboro.—Snz 31:26.

Avunguagudee nadia regbo na awiriyo. (Pa Rug 6:6, 7) I gumbapa wai fu awiriyo i nakpinyemu yo. (Mt 3:17) Ho i afu rugute ni, i nayugo nyemuse gbiati rugatinapai.—Ef 6:4.

Agude nairisa avunguyo na kini gisangbayo. (Snz 23:22) I nagumba gayo aberãpai gbiati agu apai nafuda yo fu avunguyo. I nadia rugute be avunguyo kugume na kini yugu irisa fuyo.—Snz 19:20.

ONI MOI GU VIDIO NGA ONI SONOSI NGBARAGO ROGO GAONI NGBADIMOKPORO, FUOHO ONI KI KARAGAPAI KUTI GI SANAHE RE:

Ginipai aboro nibasasa amangihe tipa ka sonosa ngbarago rogo ngbadimokporo?