Agu asásá nga ga toro nakoda agu apai dunduko rengbe ani ka manga ome nyanyaki ka da ti ni tipa wa ka ani rengbe ka iriso Yekova gbe na ki fu ngbarago fuko. Agu asásá nga ga toro naundo rani ani mangi sonakumbatayo rogo rengo yo, na gipai re naida na gaani regbo gbiati ome. (1Tim 4:15) Tipagine si aida ani naawisigo gaani asásá ti ni dedede? Mbiko agu apai du tipa rani naˈariatihe aˈaria. Si ima rengba kadu nga gu sásá ani adu na ni kusayo berewe ni gupai rengbe ani ka mangaha te, watadu si rengbe kadu nga ani aima da ti ni na si kini idi ani moi agu akuraha kia.

Gu wene regbo ngba tipa wisigo gaani asásá nga mbata fu tona vovo garã nga ga sunge. Ya mo oni rengbe ka saka gipai re ti regbo gu irisombori nga ga aborokporo na ki moi asásá tipa tironi na fu aborokporo?

Gamo asásá nga gine dagba agi du re, na gini adiandue mo aberãpa mangaha tipa kada ti ni?