Rogo Mbirinvuo, ani nika manga ome ka yugoho fu aboro nga kina ga Mbori Kindo sa nika dia ga aboro akpakarapai kusayo. (Mt 24:14) Waigu rengbe mo ka fubee kuti gi sunge re? Mo gedi gu veresi nafura tipa ga Mbori Kindo na dungu aboro wa rengbe omero na ni vuru gu diwi yo re. Ka boro yugu nyemupai, mo fu gu Ngbaõbambu Sinziri du tipa aboro dũ fu ni nga Na. 2 2020. Fuoho, mo asadi ka karagatiro fuo gu boro re nibasa na ki asadi ka tona wisigo Baibiri na ni rogo gu burosua nga Mo Raki Nyeanye Kindi na Ngbarago! Agu aboro nika mangasunge vuru gu diwi nga Mbirinvuo ni amoundo abazakigene ima rengba ka sia ka gasa asaa 15 watadu 30.

Barambeda, ga Mbori Kindo nika gberesa pa agu azogarago dunduko nga gu na sovura kuti ni. (Dan 2:44; 1Kor 15:24, 25) Ani mangingo sunge amanga na gi kparakpara momu re tipa ka yugoho nga ani nara fu Yekova na gako Kindo!