NDU GUPAI DUHE TI NI NA NYANYAKIPAHA: Mbedimbedi aKristano gbiati kura akandoro nayamba ngbatunga aboro dunduko i ye ka ‘dia ime unga gbua.’ (Yugo 22:17) Gi ime re narukuba gu ga Yekova ambakadapai dunduko du tipa batasa aboro giasangba be ingapai na kpio. Tipa gupai nga ani undo agu aboro du na asinoyo ni bakiakia gbiati gayo apambori ni bakiakia, si naida ani tungusi “nyenye pangbanga” ngba gu gene nika ngba ti aboro ni bakiakia.​—Yugo 14:6.

WAI KA MANGAHA:

• Mo sia gu riipai na veresi nga gu nika zio ngbadu agu aboro yo du rogo gamo dagbarago. Mo ima rengba ka sia wai ka tungusapai watadu ai gupai mo aima mangasunge na ni mbata na diabese. Gini ngbatunga apai gbiati averesi aboro naadegatuyo wenengai kuti ni? Ya mo apai ho rogo apangbanga yo nga gu badungu aboro aberã tipaha na kini fura tipaha? Ginipai rengbe ka zio ngbadu gu boro yo nga kumba watadu dee?

• Mo rimisi gu ngbatunga fu sene gbiati asino ku rogo gamo afugoyo nga gu aboro amangasunge gbe na ni rogo gamo dagbarago.​—2Kor 6:3, 4

• Mo inidi tiro wenengai na agu awaraga gbiati avidio du rogo Gaani Aũsunge Nga ga Yugopai tipa gupai nga ka yugoho fu gu boro yugu nyemupai

• Mo zogo awaraga watadu avidio rogo agu afugo nga ga agu aboro mo naima rengba ka gbia yo rogo gamo dagbarago

• Mo mangi ariapai kuti gupai mo afura tipaha tipa si naandu sa na gupai du tipa irakporo. (1Kor 9:19-23) Ni kpiapai, ginipai rengbe mo ka gumbaha ka si du nga mo ini gupai nga irakporo zanga gani boro rogo kpio yo barambeda?

ONI MOI VIDIO NA FUOHO, ONI KI KARAGAPAI KUTI AGI ASANAHE DU KU SENDE RE:

• Ginipai gu batungusipai re nitona ka sakapai riipaha na irakporo?

• Ginipai naamanga rogo gu raka yo nga ga gu irakporo re?

• Gini veresi naadu ni wenehe rogo gi bangiriba re, na tipagine?

• Wai gu mo naaˈaria gamo yugopai tipa gupai nga si zi ngbadu agu aboro yo du rogo gamo dagbarago?