Natona rogo 2018, gu gaani amagazini du tipa aboro dunduko nakura na riipai sa tipa magazini sa. Agu amagazini re dunduko nga papara gaani Aũsunge Nga ga Yugopai. Sidu, ani ima rengba ka mangasunge na ni gene tungusapai yo. Ani ima rengba ka dia akuraha a ho ani andu ni ku rogo kura rago watadu ho ani andu ni ka ngbeka ahe. I aambakada nga agi amagazini re tipa wisigo Baibiri na aboro te, ono si ima rengba ka undo rani ani zingisi nyemu agu apai nga ga toro rogo boro yo.

Tingbafuo tona mo fugo na boro, mo gedi veresi na ki gumba gupai du rogo magazini nga gu rengbe ka ngba ti ni. Ni kpiapai, ka si du nga aborokporo kina beni watadu boro ima kpi ti ni watadu ni rogo bakabangirise, mo ima rengba ka ya: “Mi ima geda kekepai tipa gupai re barambeda. Ya mo ka mi yuguhe foro?” Ka mo bi gupai nga ni na nyemupai, mo ima rengba ka fu gu magazini re funi watadu ka kedaha funi rogo gani terefuni, zavura ti bambata regbo. Wa vura duhe nga fu amagazini nga gaani bambata sásá te, amagazini ima rengba ka undo rani tipa ani gbia agu aboro rengbe ka du na nyemu ka manga agu apai i awirikaha.—Amo 13:48.