Bi vidio ima ngba ti aboro mbiko gupai nga, gupai aboro abihe na kini gihe na rimo ku ngbaduyo yo. Si nagbeberã aboro na ki sa gupai nga i ní tingidi gupai re tipa ngbanga regbo. Yekova aima maa wene kpia rogo mangasunge na kpiapai.—Amo 10:9-16; Yugo 1:1.

Agu avidio nga, Does God Have a Name?, Who Is the Author of the Bible?, gbiati How Can We Be Sure the Bible Is True? si rengbe mo ka yugoho ti regbo wirikapai 2 na 3 nga ga gu burosua nga wene pangbanga. Agu avidio nga, Gupai Si Aida Mo Wiriki Ziazia Kekeapai Ti Ni?, Wai Du I Naawirika Ziazia Kekeapai?, gbiati Ginipai Ninaamanga Bambu Kindo Yo? si tipa ka ngarasa aboro i wiriki Ziazia Kekeapai watadu i ye kupati gaani adunguratise nga ga aKristano. Oni ima rengba ka yugo bete kura gbangagbanga avidio fu gaoni abawisigi ziazia kekeapai.—km 5/13 3.

• Si naida mo ima kusa gu vidio mo aida ka yugoho fu irakporo mbu regbo kumbatayo

• Mo mbakadi sanahe sa watadu ue nga gu oni nika bi karagapai kutini rogo vidio

• Oni bi gu vidio re na ni wa sa

• Mo saki gu memeapai du rogoho

• Mo gbeberã boro kuti gu he du gii trakte yo nga gu i ade suraha si ki ndu na boro kuti gu vidio nga Gupai Si Aida Mo Wiriki Ziazia Kekeapai Ti Ni?

• Mo yugu gu vidio nga, How Can We Be Sure the Bible Is True? na ki fu gu burosua nga Wene Pangbanga, mo sakipai tipa gu memeapai du rogo wirikapai nga ga 3