Yesu amoi kpiapai furani tipa ani pekefuoho, gbe ho du ani ni rogo arungosiro. (1Pet 2:21-23) Wa si avura du nga i aasenga Yesu, ko aakaraga nga ha te, wa si avura du vuru nga ko aandu rogo arungosiro. (Mk 15:29-32) Ginipai naundoko ko hipai? Ko adiberã tipa ka manga gupai Mbori akpinyemuhe. (Yo 6:​38) Ko amoiberãko a kuti “gu ngbarago nadu fu ko ku mbata yo.”​—Eb 12:2.

Wai gu ani amangapai ho i amanga rani ni gbegberẽ mbiko gaani idapase? Ndikidi aKristano ‘akaraga nga gbegberẽpai fu boro ku ba gbegberẽpai’ te. (Rom 12:14, 17) Ho ani apekafuo gu gene ni Kristo ahi rungosiro ngbaha, ani ima rengba ka du na ngbarago nga Mbori ima ida na gaani pai.​—Mt 5:10-12; 1Pet 4:12-14.

ONI BI GU VIDIO NGA, RIMO YEKOVA NA NYANYAKIPAHA, NA ONI KI KARAGAPAI KUTI AGI ASANAHE RE:

• Wai gu dia Pötzinger * amangisunge na gari regbo ni tatamana ho ri adu ni nisari bambukiso yo?

• Gini arungosiro wirinarani nga Pötzinger gbiati diako ahihe ho i adu ni rogo abataya nga ga agu aboro i azi yo ti regbo vura?

• Ginipai naundo yo i hipai?